Proverb 22:23 - Nouvo Testaman Kreol Morisien Harmonisation NTPS KM

²³ An-efe, LESEGNER pou pled pou li e pou konfiske to lavi, kouma to finn konfiske dibien enn malere.

Kreol Morisyen OT Portions

²³ An-efe, LESEGNER pou pled pou li e pou konfiske to lavi, kouma to finn konfiske dibien enn malere.

Proverb 22:23 Referans Kwoze

Psom 140:12

Mo kone ki LESEGNER pran par bann pov; li defann drwa bann ki bizin so led.

Psom 12:5

LESEGNER dir, “Parski bann pov pe soufer; bann oprime pe plor zot maler, Mwa mo pou leve, mo pou donn zot proteksion ki zot bizin.”

Proverb 23:11

LESEGNER, zot defanser, li pwisan. Li pou pled zot ka kont twa.

Psom 35:10

Ar lazwa dan leker mo pou dir for-for, “SEGNER, pena to segon! To anpes seki for fer dominer ar seki feb; To anpes bann ris kraz seki pov.”

Psom 43:1

O Bondie, pran mo par; proklam mo inosans, defann mwa kont bann dimounn infidel; delivre mwa dan grif bann manter ek move dimounn.

Psom 68:5

Bondie ki viv dan so Tanp sakre li okip orfelin kouma enn papa, e li protez bann vev.

Psom 35:1

SEGNER, atak bann ki pe atak mwa; lager ar seki lager ar mwa.

Psom 12:6

Nou fer konfians promes LESEGNER, so parol kler ek prop kouma larzan, enn metal presie ki finn pirifie set fwa dan dife laforz.

Psom 103:6

LESEGNER zize dan lintere bann ki soufer dominasion e li donn zot zot drwa.

Psom 140:13

Bann ki viv dan ladrwatir pou sant to laglwar; zot pou touletan viv dan to prezans.

Proverb 21:7

Move dimounn kondane par zot prop violans. Kifer zot refiz sanze?