Proverb 21:4 - Nouvo Testaman Kreol Morisien Harmonisation NTPS KM

⁴ Move dimounn ena regar meprizan ek leker arogan; samem ki met zot pese okler.

Kreol Morisyen OT Portions

⁴ Move dimoun ena regar meprizan ek leker arogan; samem ki met zot pese okler.

Proverb 21:4 Referans Kwoze

1 Pi 5:5

Zot osi, bann zenn, zot bizin aksepte lotorite bann ansien. Zot tou bizin met lor zot enn tabliye ki apel limilite pou zot servi zot kamarad, parski Lekritir dir: “Bondie li kont bann ki ena lorgey, me li donn so lagras bann ki viv dan limilite.”

Proverb 8:13

Kan nou respekte LESEGNER, nou deteste lemal. Mwa, lasazes, mo deteste lorgey ek larogans; mo pa siport lemal ek mansonz.

Let pou Romin 14:23

Me seki konsians pa kler lor size manze, li kondane letan li manze, parski li pa pe azir par lafwa. Tou seki pa baze lor lafwa, li pese.

Lk 18:14

Mo dir zot, kan sa dimounn-la rant so lakaz li pou gagn pardon Bondie, me pa lot-la. Seki rod grander pou abese, e seki abese pou gagn grander.”

Proverb 21:27

Lofrand enn malfeter bien degoutan; sirtou kan li ofer li avek enn move lintansion.

Proverb 15:8

Lapriyer bon dimounn fer LESEGNER plezir; me li deteste lofrand bann malonet.

Psom 10:4

Dan so arogans move dimounn pa pran Bondie kont; dan so panse pena plas pou Bondie.

Proverb 30:13

Ena dimounn ki ranpli ar lorgey; zot get lezot ar mepri.

Lk 11:34

To lizie lalimier to lekor; kan to lizie bon tou to lekor eklere; me si to lizie pa bon, tou to lekor dan marenwar.

Proverb 24:20

parski move dimounn pena lavenir; zot lavi pou tengn vit, kouma lalanp san petrol.

Psom 101:5

Mo pou detrir ninport kisann-la ki an sekre fer plan mesanste kont so prosin; mo pa pou toler bann vantar ek arogan.

Psom 131:1

SEGNER, mo leker pa vantar, mo regar pa reflet larogans; Mo pa galoup deryer bel-bel zafer ki tro gran pou mwa.

Proverb 6:16

Ena sis kitsoz ki LESEGNER deteste: Regar vantar, lalang manter, lame ki tir lavi inosan, leker ki tir plan modi, lipie ki galoupe pou al komet lemal, labous enn fos temwin ki fann mansonz. Ala enn setiem ki LESEGNER pa siporte: Dimounn ki sem zizani e met dibri ant frer-ser.