Proverb 21:16 - Nouvo Testaman Kreol Morisien Harmonisation NTPS KM

¹⁶ Dimounn ki pa swiv bon sime konesans, bien vit pou rant dan bis lamor.

Kreol Morisyen OT Portions

¹⁶ Dimoun ki pa swiv bon sime konesans, bien vit pou rant dan bis lamor.

Proverb 21:16 Referans Kwoze

Eb 10:38

Me dimounn ki pou krwar dan mwa pou viv par lafwa, me si li derape, mo pa pou satisfe ar li.

Psom 125:5

Kan to sas bann azan lemal, pini osi bann ki finn abandonn bon sime. Ki Izrael beni ar lape!

Psom 49:14

Zot al ver lamor kouma mouton. Lamor pou diriz zot kouma zot berze. Bann vantar koumsa desann dan trou lamor lor vites e laba zimaz ki zot ti ena li disparet, lemond lamor ki vinn zot lakaz.

Let Zid 1:12

Zot prezans li enn skandal dan zot bann repa fraternel, kot zot fer fet san okenn laont e zot nek okip zotmem. Zot parey bann niaz ki pena lapli e ki divan pe pouse. Zot parey bann zarb ki mem dan lotonn pa donn fri, enn fwa derasinn zot, zot mor pou touletan.

1 Zn 2:19

Sa bann zans-la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

Ef 2:1

E zot, zot ti spiritielman mor akoz zot fot ek zot pese.

Proverb 13:20

Frekant dimounn saz e to pou vinn saz; me si to mars ar dimounn bet, to pou gagn problem.

Proverb 9:18

Me so bann viktim pa kone ki laba, kot li, ena lamor ki pe fer letour; bann ki finn rant kot li avan, zot deza dan lemond bann mor.

Proverb 2:13

kont bann ki abandonn sime lazistis, e ki mars dan sime marenwar.

Proverb 11:19

Seki res ferm dan sime lazistis pou viv; me seki galoup deryer lemal pou mor.

Proverb 5:23

Zot pou perdi lavi parski zot mank disiplinn; zot pou al dan perdision parski zot foli tro gran.

Proverb 19:16

Obzerv komannman Bondie e to pou viv bien; me si to swiv move sime to pou trouv lamor.