Proverb 19:26 - Nouvo Testaman Kreol Morisien Harmonisation NTPS KM

²⁶ Zanfan ki bat so papa e rezet so mama, li atir laont ek dezoner.

Kreol Morisyen OT Portions

²⁶ Zanfan ki bat so papa e rezet so mama, li atir laont ek dezoner.

Proverb 19:26 Referans Kwoze

Proverb 17:2

Enn serviter intelizan ena plis merit ki enn eritie ki ena lespri volaz; sa serviter-la pou gagn enn par dan leritaz.

Proverb 10:5

Li enn loner pou dimounn ki rekolte dan bon sezon; me li enn laont pou dimounn ki dormi dan sezon rekolt.

Lk 15:30

Me ler to garson retourne, apre ki li finn manz tou to dibien ar bann fam move lavi, to trouv mwayin touy sa vo bien gra la pou li.’

Proverb 30:17

Zanfan ki mepriz so papa, e dezobeir so mama, korbo pou bek so lizie e votour pou devor so kadav.

Proverb 30:11

Ena dimounn ki modi zot papa; e pena respe pou zot mama.

Proverb 28:24

Zanfan ki kokin so paran e ki dir: “pa enn pese sa,” li pa pli bon ki enn bandi.

Proverb 28:14

Bienere dimounn ki gagn per pou fer lemal; me bann leker dir ki pa oule sanze, pou rwine.

Proverb 28:7

Bann zenes ki ena disernman, zot obzerv lalwa; me seki ena move frekantasion fer so paran onte.

Proverb 17:25

Zanfan bet met so papa dan lapenn; li rann lavi so mama amer.

Proverb 10:1

Bann zanfan saz fer leker zot paran kontan; zanfan bet fer leker zot paran fermal.

Proverb 19:27

Mo zanfan, pa aret aprann; sinon, to pou bliye seki to deza kone.