Proverb 19:11 - Nouvo Testaman Kreol Morisien Harmonisation NTPS KM

¹¹ Dimounn rezonab kontrol so koler; kan li pardonn lezot, li gagn plis loner.

Kreol Morisyen OT Portions

¹¹ Dimoun rezonab kontrol so koler; kan li pardonn lezot, li gagn plis loner.

Proverb 19:11 Referans Kwoze

Proverb 16:32

Preferab ena pasians ki pouvwar. Vomie to kontrol tomem ki to sey kontrol enn lavil.

Proverb 14:29

Si to gard to kalm, savedir to saz; si to sap lor kal vit, savedir to bet.

Let Zak 1:19

Mo bann kamarad, konpran sa bien: sakenn bizin rapid pou ekoute, me pa prese pou koze, pa ankoler vit,

Proverb 15:18

Kan dimounn sof vit, dispit pran pouvwar; kan dimounn res kalm, lape gagn viktwar.

Proverb 12:16

Bann inbesil ankoler vit; me bann saz kontrol zot lemosion.

Ef 4:32

Zot bizin ena bonte ek boukou lafeksion pou lezot; pardonn zot prosin kouma Bondie finn pardonn zot par Lekris.

Proverb 20:3

Ninport ki fezer kapav lev lager; me li enn loner pou dimounn ki konn evit lager.

Proverb 25:21

Si to lennmi gagn fin, donn li manze; si li swaf, donn li bwar.

Proverb 17:14

Koumansman enn dispit li kouma enn felir dan rezervwar; aret li vit, sinon bagar kouma inondasion.

Proverb 11:13

Enn dimounn palab pou devwal to sekre; enn dimounn sinser merit to konfians.

Proverb 29:11

Enn dimounn bet sap lor kal brit; enn dimounn saz konn kontrol so lemosion.

Proverb 20:22

Pa pran lalwa dan to lame; met dan lame LESEGNER, limem Ziz.