Proverb 17:14 - Nouvo Testaman Kreol Morisien Harmonisation NTPS KM

¹⁴ Koumansman enn dispit li kouma enn felir dan rezervwar; aret li vit, sinon bagar kouma inondasion.

Kreol Morisyen OT Portions

¹⁴ Komansman enn dispit li kouma enn felir dan rezervwar; aret li vit, sinon inondasion.

Proverb 17:14 Referans Kwoze

Proverb 25:8

Kan to finn trouv kiksoz, pa prese pou met zafer lakour. Si to adverser prouve ki to ena tor, lerla, to latet pou bese ar laont.

Proverb 20:3

Ninport ki fezer kapav lev lager; me li enn loner pou dimounn ki konn evit lager.

1 Tes 4:11

Zot bizin ena sa dezir pou viv trankil, pou get zot prop zafer e pou travay avek zot prop lame parey kouma nou ti rekomann zot.

Proverb 15:1

Enn repons dou tengn lakoler; me enn parol brit provok laraz.

Let pou Romin 12:18

Otan ki posib viv dan lape ar tou dimounn.

Proverb 29:22

Dimounn ki sap lor kal vit, li amenn dezord; e dimounn ki sofe vit, li sem diskord.

Proverb 26:21

Parey kouma sarbon fer labrez ek dibwa nouri dife, enn palabrer nouri laenn ek konfli.

Proverb 17:19

Seki kontan kerel, sem diskord; seki rod grander pou gagn maler.

Proverb 16:32

Preferab ena pasians ki pouvwar. Vomie to kontrol tomem ki to sey kontrol enn lavil.

Proverb 14:29

Si to gard to kalm, savedir to saz; si to sap lor kal vit, savedir to bet.

Proverb 13:10

Bann arogan nek provok dispit; me bann ki ekout konsey ena lasazes.

Proverb 19:11

Dimounn rezonab kontrol so koler; kan li pardonn lezot, li gagn plis loner.