Proverb 17:10 - Nouvo Testaman Kreol Morisien Harmonisation NTPS KM

¹⁰ Enn ti repros ena plis lefe lor enn dimounn saz, ki san kout baton lor ledo enn bet.

Kreol Morisyen OT Portions

¹⁰ Enn ti repros ena plis lefe lor enn dimoun saz, ki san kout baton lor ledo enn bet.

Proverb 17:10 Referans Kwoze

Revelasion 3:19

Mo koriz e reprimann tou dimounn ki mo kontan, me twa, montre boukou zel e sanz to konportman.

Proverb 29:19

Zis parol pa ase pou koriz enn ti-lespri; li kapav tande, me li pa pou sanze.

Proverb 27:22

Ninport ki kantite bate to pou bat enn bet, li pa pou aret fer betiz.

Proverb 19:25

Koriz enn insolan, bann bet pou aprann vinn pridan; montre enn dimounn intelizan so erer, li pou gagn plis konesans.

Proverb 15:5

Enn inbesil pa pran kont konsey so paran; me zanfan saz aksepte kan so paran met li dan bon sime.

Proverb 13:1

Enn zanfan saz ekout konsey so papa; me enn vantar refiz rekonet so erer.

Psom 141:5

Enn bon dimounn kapav pini mwa, fer mwa repros pou mo prop dibien me mo refiz aksepte faver ar move dimounn parski gramatin-tanto mo fer lapriyer kont zot pese.

Proverb 17:9

Si to anvi dimounn kontan twa, pardonn zot erer; si touletan to repros zot erer, to kapav dir bay-bay lamitie.

Proverb 17:11

Move dimounn konn zis fer ninport. Tansion! Mesaze lamor pou vinn tap so laport.