Proverb 16:28 - Nouvo Testaman Kreol Morisien Harmonisation NTPS KM

²⁸ Bann dimounn perver fann rimer pou lev lager; palabrer met dibri ant bon kamarad.

Kreol Morisyen OT Portions

²⁸ Move lespri fann rimer pou lev lager; palabrer met dibri ant bon kamarad.

Proverb 16:28 Referans Kwoze

Proverb 17:9

Si to anvi dimounn kontan twa, pardonn zot erer; si touletan to repros zot erer, to kapav dir bay-bay lamitie.

Let pou Romin 1:29

Zot ranpli ar tou kalite linzistis, mesanste; zot gourman kiksoz lezot, zot ranpli ar lemal, zalouzi, lespri bagarer, fer krim, fer palab,

Proverb 18:8

Ayo palab! To kouma enn gato fondan; to fondan dan pale, to glise, to desann.

Proverb 15:18

Kan dimounn sof vit, dispit pran pouvwar; kan dimounn res kalm, lape gagn viktwar.

Proverb 6:14

Zot tir plan modi ar lespri malsin; kot zot pase zot fann dezord.

2 Ko 12:20

Mo per ki letan mo arive, mo pa trouv zot kouma mo swete trouv zot, e ki zot osi zot pa trouv mwa kouma zot ti anvi mo ete. Mo per ki mo trouv lager, zalouzi, lakoler, rivalite, insilt, komeraz, lorgey ek dezord.

Proverb 30:33

Kan to bat lakrem dile, to gagn diber; kan to gagn kou lor nene, disan koule; me kan to provok lakoler, to ava gagn lager.

Proverb 29:22

Dimounn ki sap lor kal vit, li amenn dezord; e dimounn ki sofe vit, li sem diskord.

Proverb 16:27

Move dimounn rod tou mwayin pou fer lemal; zot parol kouma enn dife ki devor tou.

Proverb 16:29

Dimounn violan anbet so prosin; li kondir zot dan sime malsin.

Proverb 17:17

Enn vre kamarad res fidel dan tou sirkonstans; nou fami la pou partaz nou soufrans.

Proverb 18:6

Parol enn insanse atir dispit, seki rod lager gagn rakle.