Proverb 16:21 - Nouvo Testaman Kreol Morisien Harmonisation NTPS KM

²¹ Dimounn ki ena lespri lasazes ena disernman; pli li koz bon parol, pli lezot ekout li.

Kreol Morisyen OT Portions

²¹ Dimoun ki ena lespri lasazes ena disernman; pli li koz bon parol, pli lezot ekout li.

Proverb 16:21 Referans Kwoze

Proverb 15:7

Labous bann dimounn saz repann konesans; me bann dimounn bet ena lespri kokom.

Proverb 27:9

Parfin ek delwil esansiel met lazwa dan leker; me nanye pa bat lamitie enn kamarad sinser.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

Zn 7:46

Bann gard reponn, “Zame personn pa finn koz sa manier la.”

Lk 4:22

Zot tou ti an admirasion; zot etone par bann zoli parol ki sorti dan so labous. Zot dir, “Pa garson Zozef sa?”

Proverb 23:15

Mo zanfan, si to vinn saz, mo leker pou dan lazwa.

Proverb 10:8

Dimounn saz ek rezonab ekout bon konsey; me enn bet ki koz ninport fini dan presipis.

Psom 45:2

Parmi tou bann zom, ala ou gayar Segner! Ou stil koze ena elegans. Alor Bondie finn touletan beni ou.

Let pou Romin 16:19

Tou dimounn kone komie zot obeisan, e sa donn mwa boukou lazwa; me mo oule ki zot saz konsernan seki bon, ek ki zot pa fer konpromi avek seki move.

Mt 11:25

Sa mem lepok-la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz-la bann saz ek bann intelizan, me to finn revel zot ar bann pli tipti.

Proverb 16:22

Dimounn ki ena lasazes, li ena enn lasours lavi. Bann bet pou tonbe ar zot prop betiz.

Proverb 10:13

Lasazes, li lor lalev bann dimounn intelizan; me bann ki pena bonsans ava gagn kout baton.

Proverb 10:23

Dimounn ti-lespri gagn plezir dan pratik lemal; dimounn ki ena rezonnman gagn plezir dan pratik lasazes.