Proverb 16:20 - Nouvo Testaman Kreol Morisien Harmonisation NTPS KM

²⁰ Pran bien kont seki finn montre twa, to pou konn sikse; fer LESEGNER konfians, to pou ere.

Kreol Morisyen OT Portions

²⁰ Pran bien kont seki finn montre twa, to pou konn sixe; fer LESEGNER konfians, to pou ere.

Proverb 16:20 Referans Kwoze

Psom 2:12

Met zot azenou divan li. Pa bliye so lakoler anflame vit e zot kapav zwenn lamor lor sime. Bienere tou dimounn ki mars ar li e ki gagn so proteksion.

Psom 34:8

Goute e gete kouma LESEGNER li bon. Bienere bann ki swazir so proteksion.

Proverb 19:8

Aprann gagn lasazes e to pou viv ere; viv ek disernman e to pou prospere.

Mt 10:16

Get bien, mo pe avoy zot kouma bann mouton parmi bann loulou; zot bizin bien malin kouma serpan ek inosan kouma kolonb.

Proverb 8:35

Sa-enn ki aksepte mwa la, li ava viv lontan; e li ava gagn faver LESEGNER;

Psom 146:5

Bienere dimounn ki trouv sekour dan Bondie ki Zakob ti priye; ki met tou lespwar dan LESEGNER so Bondie,

Proverb 13:15

Bon rezonnman fer twa gagn respe lezot; bann foser swiv sime perdision.

Psom 125:1

Bann ki met zot konfians dan LESEGNER zot kouma Montagn Sion ki personn pa kapav sakouye, li res la pou touzour.

Proverb 17:2

Enn serviter intelizan ena plis merit ki enn eritie ki ena lespri volaz; sa serviter-la pou gagn enn par dan leritaz.

Psom 32:10

Lasoufrans pe atann bann ki fer lemal me bann ki met zot konfians dan LESEGNER zot proteze par so lamour infini.

Proverb 13:13

Si kikenn rezet enn bon konsey, li ava pey konsekans; me seki respekte komannman Bondie, li ava gagn rekonpans.