Proverb 16:18 - Nouvo Testaman Kreol Morisien Harmonisation NTPS KM

¹⁸ Lorgey amenn destriksion; larogans amenn larwinn.

Kreol Morisyen OT Portions

¹⁸ Lorgey amenn destriksion; larogans amenn larwinn.

Proverb 16:18 Referans Kwoze

Proverb 11:2

Lorgey atir dezoner; me limilite atir lasazes.

Proverb 18:12

Leker ki ranpli ar lorgey atir katastrof; me limilite atir loner.

Proverb 29:23

Kan to viv ek lorgey, enn zour to pou abese; me si to viv ek limilite, enn zour to pou onore.

1 Tim 3:6

Fode pa osi ki li fek konverti, ki li pa ankor fer so prev. Lorgey kapav mont dan so latet e li fini kouma diab.

Let pou Romin 11:20

Sa li vre. Ti koup zot akoz zot ti mank lafwa, e twa to dan zot plas akoz lafwa ki to ena. Me pa pran enn ler arogan; okontrer montre boukou respe.

Proverb 17:19

Seki kontan kerel, sem diskord; seki rod grander pou gagn maler.

Mt 26:74

Alor li fer serman e li dir, “Bondie pini mwa si mo pe koz manti, mo pa konn sa boug-la.” Lerla mem, kok sante.

Proverb 8:13

Kan nou respekte LESEGNER, nou deteste lemal. Mwa, lasazes, mo deteste lorgey ek larogans; mo pa siport lemal ek mansonz.

Lk 14:9

lerla dimounn ki finn invit twa ek li, pou vinn dir twa, ‘Donn sa dimounn-la to plas.’ Lerla to pou perdi pwin, to pou leve e to pou al asiz dan dernie ban.