Proverb 15:15 - Nouvo Testaman Kreol Morisien Harmonisation NTPS KM

¹⁵ Lavi enn pov li pa fasil me kan ena lazwa dan leker, lavi kouma enn fet.

Kreol Morisyen OT Portions

¹⁵ Lavi enn pov li pa fasil me kan ena lazwa dan leker, lavi kouma enn fet.

Proverb 15:15 Referans Kwoze

2 Ko 6:10

mem dan sagrin nou touletan zwaye; nou pov, me nou anrisi boukou dimounn; li paret ki nou pena nanye, me an-verite nou posed tou kiksoz!

Let pou Romin 12:12

Montre lazwa dan lesperans, montre pasians dan detres, priye avek fidelite.

Proverb 15:13

Kan ena lazwa dan leker, pou ena sourir lor lalev; me kan leker fermal, lespri abat.

Proverb 17:22

Si lazwa dan leker, lasante pou meyer; kan traka dan lespri, lekor deperi.

Let pou Romin 5:11

Ek ena plis ankor: nou met nou fierte dan Bondie par nou Segner Zezi Kris, par ki, aster, nou finn rekonsilie ar Bondie.

2 Ko 1:5

Parey kouma nou ena enn gran par dan soufrans Lekris, dan mem fason nou gagn gran rekonfor atraver li.

Zistwar Bann Zapot 16:25

Ver minwi, Pol ek Silas ti pe priye ek sant kantik e lezot prizonie ti pe ekout zot.

1 Pi 4:13

Okontrer, zot bizin kontan ki zot pe partaz soufrans Kris, pou ki zot kapav gonfle ar lazwa ek kontantman kan li revel li dan so laglwar.

Proverb 16:22

Dimounn ki ena lasazes, li ena enn lasours lavi. Bann bet pou tonbe ar zot prop betiz.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Proverb 15:14

Dimounn saz gagn swaf konesans; dimounn bet manz zis so foli.

Proverb 15:16

Preferab gagn tigit, me ena respe pou LESEGNER; ki gagn boukou avek enn ta traka.