Proverb 14:8 - Nouvo Testaman Kreol Morisien Harmonisation NTPS KM

⁸ Enn dimounn pridan ena lasazes, e li swazir bon sime; me lafoli enn vantar amenn li dan perdision.

Kreol Morisyen OT Portions

⁸ Enn dimoun pridan ena lasazes, e li swazir bon sime; me lafoli enn vantar amenn li dan perdision.

Proverb 14:8 Referans Kwoze

Ef 5:17

Napa fer bet, me konpran bien ki volonte Bondie ete.

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimounn ek zot pou tronp zotmem.

Let Zak 3:13

Eski ena kikenn parmi zot ki panse li saz ek intelizan? Ki li prouv li par so bon kondwit, par so bann aksion ki li akonplir avek sazes ek limilite.

Ef 4:22

Alor zot bizin abandonn zot ansien natir, manier zot ti pe viv avan e ki pouri par bann fos dezir.

Proverb 11:18

Bann move dimounn travay pou nanye; dimounn ki fer dibien, zot ava dan bien.

Proverb 8:20

Mo mars lor sime ladrwatir, lor sime lazistis.

Proverb 2:9

Si to pran kont tousala, lerla, to pou konn ladrwatir ek lazistis, to pou konpran lonette ek bon manier viv.

Psom 119:73

To ti kree mwa, to finn fasonn mwa; nouri mo lespri pou mo konpran to bann komannman.

Psom 119:5

Mo priye ki mo kondir mwa dan enn manier ferm pou ki mo reisi swiv to bann regleman.

Psom 111:10

Rekonet lotorite LESEGNER samem koumansman lasazes; tou seki pratik sa, montre zot ena bon zizman. Louanz LESEGNER li pou eternel.

Psom 143:8

Toule gramatin fer mwa konn to lamour infini parski mo finn met mo konfians dan twa. Montre mwa sime ki mo bizin swiv parski mo finn tourn mwa ver twa.

1 Ko 3:19

Lasazes dapre sa lemond-la, li enn foli devan Bondie. Lekritir dir, “Bondie may bann saz dan zot prop riz.”

Proverb 15:21

Dimounn bet gagn plezir dan lafoli; dimounn rezonab mars dan enn sime drwat.

Proverb 12:5

Dimounn onet ena touzour bon lintansion; konsey enn malfeter met dimounn dan perdision.