Proverb 14:32 - Nouvo Testaman Kreol Morisien Harmonisation NTPS KM

³² Move dimounn pou kraze ar zot prop pese; bon dimounn ena lasirans, mem divan lamor.

Kreol Morisyen OT Portions

³² Move dimoun pou kraze ar zot prop pese; bon dimoun ena lasirans, mem divan lamor.

Proverb 14:32 Referans Kwoze

2 Tim 4:18

Lesegner pou delivre mwa ankor dan tou bann piez ek li pou gard mwa pou so rwayom. Laglwar pou li dan leternite. Amen.

2 Ko 5:8

Wi, nou ena plin kouraz e nou prefer kit lanvlop dan ki nou ete pou al viv ansam ar Lesegner.

Psom 23:4

Mem kan mo travers vale bien som, parey lamor nanye pa fer mwa per parski to touletan la koste ar mwa, ar to baton berze to protez mwa.

Revelasion 14:13

Apre sa mo tann enn lavwa dan lesiel ki dir, “Ekrir sa: Beni bann ki aster-la finn mor dan linion ar Zezi Kris! Wi, ki zot repoze apre zot travay parski zot bann bon aksion swiv zot.”

2 Ko 1:9

Nou ti ena linpresion ki finn kondann nou amor. Me sa finn arive pou ki nou pa depann lor noumem, me depann zis lor Bondie ki relev seki finn mor.

Proverb 24:16

Ninport komie fwa bon dimounn tonbe, li pou releve; me bann malfeter fini dan maler.

Psom 37:37

Pran kont bon dimounn; get konportman dimounn drwat. Dimounn ki travay pou lape li ena desandan;

1 Tes 5:3

Kan dimounn pou dir: “Ena lape ek sekirite,” lerla mem maler pou fini zot enn sel kou parey kouma douler enn madam ansint ki pe akouse. Zot pa pou kapav sove.

Let pou Filipien 1:23

Mo dan enn dilem. Mo anvi mor pou al avek Kris, seki ti pou bon pou mwa.

Let pou Filipien 1:21

Pou mwa Kris limem mo lavi e lamor pou donn mwa plis ankor pou viv.

Let pou Romin 9:22

Bondie ti anvi montre so koler e fer konn so pwisans. Li ti siport avek enn gran pasians bann lobze ki merit so koler, seki ti pe al ver destriksion.

Zn 8:24

Akoz samem mo pe dir zot, ki zot pou mor dan zot pese; parski si zot pa krwar ki mwa, mo seki Mo ete, zot pou mor dan zot pese.”

Zn 8:21

Zezi dir zot ankor enn fwa, “Mo pe ale, zot pou rod mwa e zot pou mor dan zot pese; la kot mo pe ale, zot pa pou kapav vini.”

Lk 2:29

“Aster-la, Segner, les to serviter ale dan lape kouma to ti dir.

Proverb 6:15

Akoz sa, maler pou tom lor zot antret; okenn remed pa pou sap zot lavi.

Psom 58:9

Avan mem ki dife lapay sof zot marmit, lakoler Bondie pou fer zot anvole kouma lapousier.

Psom 17:15

Mwa, akoz lazistis, mo pou trouv twa divan mwa; e kan soley leve, to prezans ranpli mwa ar lazwa.

Psom 16:11

To touletan montre mwa bon sime lavi; kan to la, mo lavi ranpli ar lazwa; dan to prezans ena boner pou touzour.

Psom 73:24

To pou gid mwa ar bon konsey e alafin to pou akeyir mwa ar boukou loner.

Proverb 14:33

Lasazes res dan leker enn dimounn intelizan; me li pa prezan dan leker enn vantar.

Proverb 5:22

Bann malfeter may dan latrap zot prop erer; zot tas dan file zot prop pese.

Proverb 11:5

Enn dimounn onet pratik lazistis e so sime drwat; me enn malonet fouy so prop tom.