Proverb 14:17 - Nouvo Testaman Kreol Morisien Harmonisation NTPS KM

¹⁷ Bann ki ankoler vit fer boukou betiz; kan to anbet dimounn, zot deteste twa.

Kreol Morisyen OT Portions

¹⁷ Bann ki ankoler vit fer boukou betiz; kan ou anbet dimoun, zot deteste ou.

Proverb 14:17 Referans Kwoze

Proverb 14:29

Si to gard to kalm, savedir to saz; si to sap lor kal vit, savedir to bet.

Proverb 29:22

Dimounn ki sap lor kal vit, li amenn dezord; e dimounn ki sofe vit, li sem diskord.

Let Zak 1:19

Mo bann kamarad, konpran sa bien: sakenn bizin rapid pou ekoute, me pa prese pou koze, pa ankoler vit,

Proverb 15:18

Kan dimounn sof vit, dispit pran pouvwar; kan dimounn res kalm, lape gagn viktwar.

Proverb 22:24

Pa rant kamarad ar dimounn ki sap lor kal brit-brit; pa frekant dimounn ki sofe pou enn wi, pou enn non;

Proverb 16:32

Preferab ena pasians ki pouvwar. Vomie to kontrol tomem ki to sey kontrol enn lavil.

Proverb 12:16

Bann inbesil ankoler vit; me bann saz kontrol zot lemosion.

Proverb 12:2

LESEGNER donn so faver bann bon dimounn; me li kondann bann ki tir plan pou fer lemal.

Proverb 14:16

Dimounn saz pran prekosion pou evit problem; ti-lespri tro prese, li bes latet, li rant dan piez.

Proverb 14:18

Bann bet erit zot betiz; bann intelizan erit konesans kouma enn kouronn.

Proverb 20:3

Ninport ki fezer kapav lev lager; me li enn loner pou dimounn ki konn evit lager.