Proverb 12:23 - Nouvo Testaman Kreol Morisien Harmonisation NTPS KM

²³ Dimounn intelizan pa fer palab; me bann bet etal zot betiz lor latab.

Kreol Morisyen OT Portions

²³ Dimoun edike pa fer palab; me bann bet etal zot betiz lor latab.

Proverb 12:23 Referans Kwoze

Proverb 13:16

Dimounn rezonab reflesi avan azir; enn vantar fer letalaz so liniorans.

Proverb 11:13

Enn dimounn palab pou devwal to sekre; enn dimounn sinser merit to konfians.

Proverb 10:14

Dimounn ki saz gard konesans kouma enn trezor; me kan ti-lespri koze, larwinn zame lwin.

Proverb 15:2

Parol enn saz fer gagn konesans; me kan bann bet ouver labous, zis betiz ki sorti.

Proverb 10:19

Plis to koz boukou, plis to ena risk fer pese; enn saz konn kontrol so lalang.

Proverb 18:2

Dimounn bet pa sey konpran; li rod montre ki li enn gran tenor.

Proverb 29:11

Enn dimounn bet sap lor kal brit; enn dimounn saz konn kontrol so lemosion.

Proverb 14:33

Lasazes res dan leker enn dimounn intelizan; me li pa prezan dan leker enn vantar.