Proverb 11:24 - Nouvo Testaman Kreol Morisien Harmonisation NTPS KM

²⁴ Ena ki donn avek bon leker, e zot vinn pli ris; ena ki peng, me zot vinn pli pov.

Kreol Morisyen OT Portions

²⁴ Ena ki donn avek bon leker, e zot vinn pli ris; ena ki peng, me zot vinn pli pov.

Proverb 11:24 Referans Kwoze

Proverb 19:17

Kan to ed bann pov, to pe pret LESEGNER, limem ki pou rekonpans twa.

Lk 6:38

Done, zot pou resevwar dan pos zot tabliye enn mezir bien ranpli, bien dame e ki pe deborde; mezir ki to servi pou lezot, samem mezir ki pou servi pou twa.”

Psom 112:9

Li bien zenere, li ed bann malere, e so drwatir res pou touzour; li pou ena pouvwar e dimounn pou respekte li.

Proverb 11:18

Bann move dimounn travay pou nanye; dimounn ki fer dibien, zot ava dan bien.

Proverb 28:8

Bann kaser ki vinn ris lor ledo lezot, pa pou kapav profit zot larzan; enn zour, dimounn ki ed bann pov ki pou erit zot rises.

Proverb 11:23

Enn bon dimounn dezir zis seki bon; enn malfeter atir touzour lakoler lezot.

Proverb 11:25

Dimounn ki zenere pou prospere; seki donn lezot enn ver dilo, zame pa pou gagn swaf.

Proverb 13:7

Ena ki pena nanye, me zot met dan zar, deklar risar; Ena ki ena fortinn, me zot fer krwar ki zot pov.

Proverb 28:27

Seki ed bann pov zame mank nanye; me seki ferm lizie divan lamizer lezot, pou gagn malediksion.