Proverb 10:9 - Nouvo Testaman Kreol Morisien Harmonisation NTPS KM

⁹ Dimounn onet viv an-sekirite; me bann malonet zwenn tase.

Kreol Morisyen OT Portions

⁹ Dimoun onet viv an-sekirite; me bann malonet zwenn tase.

Proverb 10:9 Referans Kwoze

Proverb 28:18

Dimounn onet pena pou per nanye; me bann malonet pou tom dan trou.

Mt 10:26

Pa per personn. Tou seki kasiet pou vinn dan kler, tou seki sekre pou devwale;

1 Tim 5:25

Mem zafer pou bann bon aksion, pou trouv zot klerman; mem seki pa tro vizib difisil pou kasiet.

1 Ko 4:5

Akoz sa pa pronons okenn zizman avan letan fixe, avan ki Lesegner retourne. Lesegner ki pou met okler bann kiksoz ki kasiet dan nwar, ki pou revel bann lintansion ki dan leker dimounn. Lerla sakenn pou gagn louanz ki Bondie ena pou li.

Proverb 3:23

Lerla, to sime pou kler ek sir, e to lipie pa pou kogn ar ros.

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Psom 25:21

Fer ki lonette ek drwatir prezerv mwa parski ar lesperans mo kont lor twa.

Proverb 17:20

Enn triser pa pou konn leboner; seki so lalang perver pou tom dan maler.

Psom 23:4

Mem kan mo travers vale bien som, parey lamor nanye pa fer mwa per parski to touletan la koste ar mwa, ar to baton berze to protez mwa.

Proverb 26:26

Li kapav ase rize pou kasiet so laenn, me enn zour, so mesanste pou paret anplin lizour.

Proverb 28:1

Bann move dimounn sove mem kan pena danze; me bann bon dimounn res brav kouma enn lion.