Proverb 10:27 - Nouvo Testaman Kreol Morisien Harmonisation NTPS KM

²⁷ Dimounn ki respekte LESEGNER pou viv pli lontan; me bann malfeter pou mor avan ler.

Kreol Morisyen OT Portions

²⁷ Dimoun ki respekte LESEGNER pou viv pli lontan; me bann malfeter pou mor avan ler.

Proverb 10:27 Referans Kwoze

Proverb 9:11

Wi! Mwa, lasazes ki pe dir sa! Ar mwa, to pou viv pli lontan; to lavi pou vinn pli long par boukou lane.

Proverb 3:2

Koumsa, to pou viv lontan e to pou ere dan to lavi.

Psom 91:16

Mo pou fer zot viv lontan; e donn zot garanti ki momem zot sover.”

Psom 21:4

Li ti dimann twa lavi e to finn donn li lavi ki dire pou touzour.

Proverb 3:16

Enn kote, li ed nou pou viv lontan; lot kote, li donn nou larises ek loner.

Psom 55:23

Twa Bondie, to pou pini asasin ek manter e zot pou rant dan trou lamor kan zot ankor zenn. Mwa, mo finn met mo konfians an twa.

Lk 12:20

Me Bondie dir li, ‘Kouma to bet koumsa! Zordi swar mem to pou perdi to lavi; kisann-la pou erit tou seki to finn ramase?’

Proverb 14:27

Respe pou LESEGNER, li enn lasours lavi; li ed twa evit bann piez mortel.

Proverb 28:18

Dimounn onet pena pou per nanye; me bann malonet pou tom dan trou.

Psom 92:15

Tousala montre ki pena linzistis dan LESEGNER, “li mo ranpar e dan li pena linzistis.”