Proverb 10:16 - Nouvo Testaman Kreol Morisien Harmonisation NTPS KM

¹⁶ Lapey enn dimounn onet amenn nouvo lavi; lapey enn dimounn malonet servi pou fer pese.

Kreol Morisyen OT Portions

¹⁶ Lapey enn dimoun onet amenn nouvo lavi; lapey enn dimoun malonet servi pou fer pese.

Proverb 10:16 Referans Kwoze

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot ankor pe fer zordi.

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

Zn 6:27

Napa travay pou manze ki kapav gate, travay pou manze ki pa fini zame e ki donn lavi eternel. Sa manze-la, samem manze ki Garson Limanite pou donn zot parski Bondie Papa finn met mark so lotorite lor mwa.”

1 Ko 15:58

Alor, mo bann frer ek ser, debout ferm. Pa les nanye destabiliz zot. Kontign progrese dan travay Lesegner, parski zot kone ki nanye pa perdi kan zot servi Lesegner.

Proverb 11:30

Enn bon dimounn, li kouma enn pie ki donn lavi; me laviolans, souvan amenn lamor.

2 Tim 3:13

Me tou bann fos krwayan ek bann sarlatan pou touzour fer progre dan lemal. Zot pou tronp dimounn ek zot pou tronp zotmem.

Mt 15:19

Parski dan leker sorti bann move lintansion, kouma fer krim, adilter, move lavi, kokin, mansonz ek palab.

Proverb 21:21

Rod touzour labonte ek lazistis e to pou viv lontan; dimounn pou respekte twa e pou onor twa.