Proverb 10:10 - Nouvo Testaman Kreol Morisien Harmonisation NTPS KM

¹⁰ Dimounn ki pez lizie pou anbet lezot, amenn problem; bann ki pa per pou korize, amenn lape.

Kreol Morisyen OT Portions

¹⁰ Dimoun ki pez lizie pou anbet lezot, amenn problem; bann ki pa per pou korize, amenn lape.

Proverb 10:10 Referans Kwoze

Psom 35:19

Pa les mo lennmi selebre laviktwar lor mwa, Pa les bann ki ena zis laenn dan leker gagn lamizman dan mo maler.

Proverb 6:13

Zot pez lizie, zot pil lipie, e zot klak ledwa pou anbet zot viktim.

3 Zn 1:10

Ler mo pou vini, mo pou denons so bann fos akizasion e so bann move manier; bann palab ki li pe fer lor nou. Li finn mem refiz akeyir bann frer e bann ser, li finn anpes bann lezot ki ti anvi akeyir zot e met zot deor dan legliz.

Proverb 10:8

Dimounn saz ek rezonab ekout bon konsey; me enn bet ki koz ninport fini dan presipis.

Proverb 18:21

Lalang ena pouvwar, li kapav amenn lavi ouswa lamor; si to kontan koze, fer atansion konsekans.

Proverb 10:14

Dimounn ki saz gard konesans kouma enn trezor; me kan ti-lespri koze, larwinn zame lwin.

Proverb 16:30

Atansion! Dimounn ki pez lizie konplot mesanste; seki pez lalev manigans lemal.