Proverb 1:7 - Nouvo Testaman Kreol Morisien Harmonisation NTPS KM

⁷ Rekonet lotorite LESEGNER, samem koumansman konesans; zis bann vantar ki ignor lasazes ek bon ledikasion.

Kreol Morisyen OT Portions

⁷ Rekonet lotorite LESEGNER, samem komansman konesans; zis bann vantar ki ignor lasazes ek bon ledikasion.

Proverb 1:7 Referans Kwoze

Psom 111:10

Rekonet lotorite LESEGNER samem koumansman lasazes; tou seki pratik sa, montre zot ena bon zizman. Louanz LESEGNER li pou eternel.

Proverb 9:10

Rekonet lotorite LESEGNER, samem koumansman lasazes; si to konn Sa-Enn ki sin la, to deza ena bon zizman.

Proverb 15:33

Respe pou LESEGNER fer gagn lasazes; limilite ouver laport loner.

Proverb 18:2

Dimounn bet pa sey konpran; li rod montre ki li enn gran tenor.

Proverb 1:22

“Bann bet, Komie letan ankor zot pou kontan zot betiz? Komie letan ankor bann insolan pou kontign insilte? Komie letan ankor bann inbesil pou ignor konesans?

Let pou Romin 1:28

Anplis, parski zot pa finn gard vre konesans Bondie dan zot lespri, li finn les zot lespri degringole, akoz sa zot fer seki pa bizin.

Proverb 15:5

Enn inbesil pa pran kont konsey so paran; me zanfan saz aksepte kan so paran met li dan bon sime.

Proverb 2:5

Lerla, to pou konn respekte LESEGNER e vremem, to ava konn Bondie.

Proverb 15:32

Si to ignor bon konsey, to fer tomem ditor; me si to aksepte zot, to vinn pli saz.

Proverb 23:9

Pa gaspiy to bann parol sazes ar enn dimounn san-konpran; li pou mepriz valer to parol.