Mt 9:36 - Nouvo Testaman Kreol Morisien Harmonisation NTPS KM

³⁶ Ler Zezi get lafoul, li ti ranpli ar konpasion pou zot, parski zot ti pe plengne e zot ti abat kouma bann mouton ki pena berze.

Nouvo Testaman dan Kreol Morisien

³⁶ Ler Zezi get lafoul, li ti ranpli ar konpasion pou zot, parski zot ti pe plegne e zot ti abat kouma bann mouton ki pena berze.

Mt 9:36 Referans Kwoze

Mk 6:34

Letan Zezi debarke, li trouv enn gran lafoul; so leker kase parski zot ti kouma bann mouton san berze. Li koumans ansegn zot boukou kiksoz.

Mt 14:14

Ler li debark ater, li trouv enn gran lafoul; li pitie zot e li geri tou zot bann maladi.

Mt 15:32

Zezi apel so bann disip e li dir, “Mo ranpli ar konpasion pou sa lafoul-la. Sa fer trwa zour depi zot avek mwa e zot pa finn manz nanye. Mo pa anvi ranvway zot vant vid, mo per zot gagn febles lor sime.”

Mt 15:24

Zezi reponn, li dir, “Bondie finn avoy mwa zis pou bann brebi perdi pep Izrael.”

Eb 5:2

Li pou kapav azir avek douser kont tou bann inioran ek bann peser, parski limem, li feb.

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan toutsort fason, me ki pa finn fer pese.

Mt 10:6

al plito kot bann brebi perdi dan Izrael.

Mk 8:2

“Mo leker fermal kan mo get sa lafoul-la. Sa fer trwa zour ki zot ar mwa e zot pena nanye pou manze.