Mt 9:22 - Nouvo Testaman Kreol Morisien Harmonisation NTPS KM

²² Zezi vire, e ler li trouv madam-la, li dir, “Pran kouraz mo tifi, to lafwa finn geri twa.” Deswit madam-la geri.

Nouvo Testaman dan Kreol Morisien

²² Zezi vire, e ler li trouv madam la, li dir, “Pran kouraz mo tifi, to lafwa finn geri twa.” Deswit madam la geri.

Mt 9:22 Referans Kwoze

Lk 7:50

Lerla Zezi dir ar madam-la, “To lafwa finn sov twa, al anpe.”

Mt 15:28

Alor Zezi dir li, “Fam, to ena enn gran lafwa; to demann pou exose.” E deswit so tifi geri.

Mt 9:2

Zot amenn ar li enn paralize alonze lor enn brankar. Ler Zezi trouv grander zot lafwa, li dir paralize-la, “Pran kouraz mo garson; to bann pese finn pardone.”

Lk 18:42

Zezi dir li, “Trouv kler. To lafwa finn sov twa.”

Lk 17:19

Lerla Zezi dir li, “Leve, kontign to sime, to lafwa finn sov twa.”

Lk 8:48

Zezi dir li, “Mo tifi, to lafwa finn sov twa; al anpe.”

Mk 10:52

Zezi dir li, “Ale, to lafwa finn sov twa.” Deswit li trouv kler e li swiv Zezi.

Mk 5:34

Zezi dir li, “Mo tifi, to lafwa finn sov twa; al anpe; to finn gagn to gerizon.”

Mt 9:29

Apre li tous zot lizie, e dir, “Sa pou arive dapre zot lafwa.”

Zistwar Bann Zapot 16:18

Li fer sa pandan de-trwa zour. Pol ti agase ar sa, li tourne li dir lespri-la, “Dan nom Zezi Kris mo komann twa sorti dan sa tifi-la.” Lespri-la sorti deswit.

Zn 4:53

Papa-la kone, samem ler kan Zezi ti dir li, “To garson pou viv.” Lerla li krwar, li ek tou so fami.

Eb 4:2

Bonn Nouvel finn vinn kot nou parey kouma kot bann-la ki ti dan dezer. Me mesaz ki zot finn tande pa finn profit zot, parski zot pa finn aksepte mesaz-la avek lafwa.

Zistwar Bann Zapot 14:9

Li ti ekout Pol koze. Letan Pol fixe li, li trouve ki so lafwa permet li gagn gerizon.

Mt 17:18

Zezi menas demon-la, li sorti dan garson-la e enn sel kou li geri.

Mt 8:13

Zezi dir ofisie-la, “Ale, ki tou kiksoz ariv dapre to lafwa.” E sa mem moman-la serviter la finn geri.