Mt 8:20 - Nouvo Testaman Kreol Morisien Harmonisation NTPS KM

²⁰ Zezi dir li, “Bann renar ena zot lakav, zwazo lesiel ena zot nik, me Garson Limanite pena okenn landrwa pou poz so latet.”

Nouvo Testaman dan Kreol Morisien

²⁰ Zezi dir li, “Bann renar ena zot lakav, zwazo lesiel ena zot nik, me Garson Limanite pena okenn landrwa pou poz so latet.”

Mt 8:20 Referans Kwoze

Psom 84:3

Get kouma mwano finn gagn enn ti plas, ek irondel finn ranz zot nik dan to Tanp pou ki zot ti-baba grandi pre kot twa, SEGNER Toupwisan, mo Lerwa, mo Bondie.

Lk 2:7

Marie donn nesans enn garson, so premie zanfan e li anvlop li dan lanz e plas li dan enn manzwar, parski pa ti ena plas pou zot dan lasal pou vwayazer.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pou ki par so povrete zot kapav vinn ris.

Lk 2:16

Zot degaze ale, e zot trouv Marie, Zozef, e tibaba-la ki ti dan manzwar.

Lk 2:12

Zot pou rekonet li par enn sign, zot pou trouv enn ti-baba anvlope dan lanz e li dan enn manzwar.”

Psom 109:22

Mo pov; mo enn malere; mo blese dan profonder mo leker.

Psom 69:29

Mo pe soufer, mo dan lapenn; par to sekour, Bondie, sov mwa.

Lk 8:3

Zann, fam Souza ki ti enn administrater kot Erod, ti ena osi Sizann, e boukou lezot ankor, ki ti servi zot dibien pou ed Zezi ek bann disip.

Mt 12:32

Si kikenn koz kont Garson Limanite, li pou pardone, me si kikenn koz kont Lespri Sin, li pa pou pardone, ni lor later ni dan lemond ki pe vini.

Psom 104:17

Laba bann zwazo fer zot nik; bann sigongn fer zot lakaz lor pie sipre.

Mt 19:28

Zezi dir zot, “Laverite mo dir zot, dan sa nouvo lemond-la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mt 17:9

Letan zot pe desann montagn, Zezi donn zot enn lord, “Pa rakont personn seki zot finn trouve tanki Garson Limanite pa resisite parmi bann mor.”

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimounn dapre seki li finn fer.

Mt 16:13

Ler Zezi ariv dan distrik Sezare-Filip, li dir so bann disip, “Ki dimounn pe dir lor Garson Limanite?”

Mt 12:40

Parey Zonas ti pas trwa zour ek trwa nwit dan vant enn gro pwason, koumsa mem Garson Limanite pou pas trwa zour ek trwa nwit anba later.

Mt 12:8

Parski Garson Limanite, limem proprieter saba.”

Psom 40:17

Mo feb ek pov, Segner, me zame to finn bliye mwa. Tomem mo sover, mo liberater, mo Bondie, pa tarde pou ed mwa!

Psom 104:12

Akote bor dilo, lor bann pie bann zwazo fer zot nik e kapav tann zot sante.

Mt 13:37

Li reponn, “Sa dimounn ki sem bon lagrin-la limem Garson Limanite.

Mk 8:38

Si kikenn, dan sa zenerasion adilter ek peser-la, gagn onte akoz mwa ek mo parol, Garson Limanite, li osi pou ont li, kan li pou vinn dan laglwar so Papa ek bann anz ki sin.”

Lk 9:58

Zezi dir li, “Renar ena lakaz pou reste, zwazo dan lesiel ena so nik, me Garson Limanite pena enn plas pou poz so latet.”

Lk 12:8

Mo dir zot, tou seki rekonet mwa devan dimounn, Garson Limanite pou rekonet li devan bann anz Bondie.

Lk 18:8

Mo dir zot, li pou donn zot lazistis san tarde. Kan Garson Limanite vini, eski li pou trouv lafwa lor later?”

Lk 21:36

Gard zot lizie ouver, priye pou ki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

Zn 1:51

Li dir li, “Vremem, laverite mo dir zot, zot pou trouv lesiel ouver ek bann anz Bondie monte-desann lor Garson Limanite.”

Zn 3:13

Personn pa finn mont dan lesiel, exsepte Garson Limanite ki finn desann depi lao.

Zn 3:14

Parey kouma Moiz ti met serpan an-bronz lor enn poto dan dezer, dan mem manier pou bizin lev Garson Limanite lao,

Zn 6:27

Napa travay pou manze ki kapav gate, travay pou manze ki pa fini zame e ki donn lavi eternel. Sa manze-la, samem manze ki Garson Limanite pou donn zot parski Bondie Papa finn met mark so lotorite lor mwa.”

Zn 6:53

Zezi dir zot, “Vremem laverite mo dir zot, si zot pa manz lekor Garson Limanite e zot pa bwar so disan, zot pa pou gagn lavi dan zot.

Zn 6:62

Ki zot pou dir aster, si zot trouv Garson Limanite mont lao kot li finn sorti?

Zn 12:34

Lafoul pran laparol, “Dapre nou lalwa nou finn tande ki Lemesi zame pou mor; kouma to kapav dir bizin lev Garson Limanite lao? Kisann-la Garson Limanite?”

Zn 13:31

Kouma Zida ale, Zezi dir, “Aster-la laglwar Garson Limanite finn manifeste e laglwar Bondie pou manifeste dan so Garson.

Zistwar Bann Zapot 7:56

Etienn dir, “Gete, mo trouv lesiel ouver ek Garson Bondie pe dibout lor so kote drwat.”