Mt 7:25 - Nouvo Testaman Kreol Morisien Harmonisation NTPS KM

²⁵ Lapli tonbe, inondasion vini, divan soufle lor lakaz-la, li pa kraze, akoz li finn konstrir lor ros.

Nouvo Testaman dan Kreol Morisien

²⁵ Lapli tonbe, linondasion vini, divan soufle lor lakaz la, li pa kraze, akoz li finn konstrir lor ros.

Mt 7:25 Referans Kwoze

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

1 Pi 1:7

Zot lafwa, li pli presie ki lor. Li pou pas dan leprev kouma lor ki fonn kan li pas dan dife pou prouv so vre valer. Lerla zot pou kapav dekouver lalouanz, laglwar ek loner kan Zezi Kris pou revel li.

Let pou Kolosien 2:7

gard zot rasinn plante an li, tini ferm dan lafwa, dan manier ki finn ansegn zot, e les zot rekonesans deborde.

1 Pi 1:5

Ki pwisans Bondie gard zot dan lafwa, pou ki zot fer lexperyans delivrans ki pou revel li dan lafin letan.

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Ef 3:17

Mo priye ki Lekris res dan zot leker par lafwa. Mo priye ki zot bien anrasine ek bien etabli dan lamour,

1 Zn 2:19

Sa bann zans-la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

Mt 16:18

E mo dir twa Pier, to enn ros, e lor sa ros-la mo pou konstrir mo Legliz, e pwisans lamor pa pou kapav dominn li.

Proverb 10:25

Tanpet vini, move dimounn anvole; me bon dimounn touletan reziste.

Mt 7:24

Koumsa mem, tou dimounn ki ekout seki mo fek dir e met li an pratik, li parey enn zom ki finn ranz so lakaz lor fondasion solid.

Mt 7:26

E tou dimounn ki ekout mo parol e pa met li an pratik, zot pou parey enn fou ki konstrir so lakaz lor disab.

Mt 7:27

Lapli tonbe, inondasion vini, divan soufle lor lakaz-la, li kraze.”