Mt 7:21 - Nouvo Testaman Kreol Morisien Harmonisation NTPS KM

²¹ “Pa tou dimounn ki dir mwa, ‘Segner, Segner’ ki pou rant dan rwayom lesiel, me zis bann ki fer volonte mo papa ki dan lesiel.

Nouvo Testaman dan Kreol Morisien

²¹ “Pa tou dimoun ki dir mwa, ‘Segner, Segner’ ki pou rant dan rwayom lesiel, me zis bann ki fer volonte mo papa ki dan lesiel.

Mt 7:21 Referans Kwoze

Let pou Romin 2:13

Pa seki ekout lalwa ki drwat devan Bondie, me seki met lalwa an pratik ki Bondie deklar drwat.

Lk 6:46

“Kifer zot apel mwa Segner, Segner, me zot pa fer seki mo dir?

Let Zak 1:22

Fode pa ki zot anbet zotmem parski zot zis ekout so parol me zot pa met li an pratik.

Lk 11:28

Me Zezi reponn li, “Bienere plito seki ekout Parol Bondie e obeir li!”

Let pou Tit 1:16

Zot dir ki zot konn Bondie, me par zot bann aksion, zot renie li. Zot enn bann rebel ki Bondie deteste ek zot pa vo nanye pou enn sou.

Eb 4:6

Promes pou rant dan repo li touzour valab, e bann ki finn resevwar sa promes-la an-premie, pa finn reisi parski zot pa finn obeir.

Zn 6:40

Samem volonte mo Papa: tou dimounn ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Revelasion 3:5

Tou bann ki pou gagn laviktwar pou met linz blan; mo pa pou efas zot nom dan liv lavi. Mo pou rekonet zot devan mo papa ek so bann anz.

1 Pi 4:2

pou kapav viv leres zot lavi lor later pa dapre bann dezir imin me dapre volonte Bondie.

Eb 13:21

Ki sa Bondie lape la, fer zot pratik tou seki bon pou zot fer so volonte; ki li realiz dan nou seki bon devan so lizie atraver Zezi Kris, pou li laglwar pou touzour.

Mt 12:50

Parski dimounn ki fer dapre volonte mo Papa ki dan lesiel, limem mo frer, mo ser ek mo mama.”

Revelasion 22:14

Bienere dimounn ki lav so rob pou li gagn drwa manz fri pie lavi e rant dan lavil par so bann laport.

Zn 3:5

Zezi reponn li, “Vremem, laverite krwar mwa mo dir twa, personn pa kapav rant dan Rwayom Bondie, si li pa repran nesans dan dilo ek Lespri.

Mt 18:3

e li dir, “Laverite mo dir zot, si zot pa sanze e vinn kouma zanfan, zot pa pou rant dan rwayom lesiel.

Zn 7:17

Dimounn ki anvi fer volonte Bondie pou kone si mo lansegnman sorti kot Bondie oubien si mo pe koz dapre mo prop lide.

Let pou Romin 12:2

Pa rant dan moul sa lemond-la, me les Bondie transform zot par enn intelizans nouvo, pou ki zot kapav diserne ki volonte Bondie, setadir seki bon, seki agreab, seki parfe.

Mk 3:35

Dimounn ki fer volonte Bondie, limem mo frer, limem mo ser, limem mo mama.”

1 Tes 5:18

Rann gras dan ninport ki sirkonstans, parski samem volonte Bondie pou zot dan zot lavi avek Zezi Kris.

Ef 6:6

Pa fer sa zis kan bann-la pe vey zot, pou fer bann-la plezir; me fer volonte Bondie ar tou zot leker kouma bann esklav Lekris.

1 Pi 2:15

Sa, li volonte Bondie. Kan kikenn fer dibien, li tengn diskour bann inioran.

Mt 25:21

So met dir li: ‘To finn bien fer, bon serviter fidel. To finn fidel pou enn ti zafer, mo pou met twa ansarz pli gran zafer ankor. Vinn partaz lazwa to met.’

1 Tes 4:3

Samem volonte Bondie: ki zot viv enn lavi sin, e pa enn lavi imoral.

Let pou Kolosien 4:12

Epafras, ki enn parmi zot e enn serviter Zezi Kris, dir zot bonzour. Li touzour priy pou zot avek tou so leker, pou ki zot res ferm, avek bann konviksion for, e ki zot donn enn wi total pou fer volonte Bondie.

Lk 13:25

Kan proprieter lakaz leve e ferm laport, zot pou deor. Zot ava bon tape e zot ava bon dir, ‘Segner, ouver laport pou nou,’ li pou reponn zot, ‘Mo pa kone kot zot sorti.’

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Lk 18:25

Li pli fasil pou enn samo pas par trou zegwi ki enn ris rant dan Rwayom Bondie.”

Mk 9:47

Si to lizie fer twa tonbe, aras li; preferab to mank enn lizie kan to rant dan Rwayom Bondie, ki to rant avek to de lizie dan lanfer,

Mt 19:24

Mo redir zot, li pli fasil pou enn samo pas dan enn trou zegwi ki pou enn ris rant dan Rwayom Bondie.”

Mt 18:35

Koumsa mem mo Papa ki dan lesiel pou fer avek sakenn parmi zot, si zot pa pardonn zot bann frer ek ser avek tou zot leker.”

Zn 15:23

Dimounn ki ayir mwa, ayir mo Papa osi.

Mt 26:42

Enn deziem fwa, li al pli lwin e li priye, “Papa, si li pa posib ki sa koup la res lwin ar mwa e ki mo bizin bwar li, mo pou touzour fer dapre to volonte.”

Mt 16:17

Zezi reponn li, “Bienere Simon, garson Zan! Pa to natir imin ki finn revel twa sa, me mo Papa ki dan lesiel.

Revelasion 2:27

Li pou diriz zot avek enn baton lasie; li pou kas zot parey kouma enn po later.

Zn 14:7

Si zot ti konn mwa, zot ti pou konn mo Papa osi. Aster-la, zot konn mo Papa e zot finn trouv li.”

Zn 5:17

Zezi reponn zot, “Mo Papa ankor pe travay e mwa osi mo pe travay.”

Mt 26:39

Li al inpe pli lwin, li tom azenou, so fron tous later e li priye, “Papa, si li posib, met sa koup-la lwin ar mwa, selman pa kouma mo oule me fer kouma twa to oule.”

Mt 18:10

Fer sir ki zot pa mepriz enn sa bann ti zanfan-la; parski les mo dir zot, ki zot bann anz touletan dan prezans mo Papa dan lesiel.

Mt 18:19

Laverite mo dir zot ankor enn fwa, si de ant zot tom dakor lor later pou dimann ninport kwa, mo Papa dan lesiel pou akord zot.

Mt 25:10

Bann insousian-la al aste delwil; zis dan sa ler-la, nouvo marye arive. Sa sink zennfi ki ti pare la rant ansam avek nouvo marye dan lasal e bann-la met lakle dan laport.