Mt 6:5 - Nouvo Testaman Kreol Morisien Harmonisation NTPS KM

⁵ Kan zot fer lapriyer, pa fer kouma bann ipokrit ki kontan vinn devan pou priye dan sinagog e dan kat kwin lari pou ki dimounn trouv zot. Laverite mo dir zot, sa bann-la finn deza gagn zot rekonpans.

Nouvo Testaman dan Kreol Morisien

⁵ Kan zot fer lapriyer, pa fer kouma bann ipokrit ki kontan vinn devan pou priye dan sinagog e dan kat kwin lari pouki dimoun trouv zot. Laverite mo dir zot, sa bann la finn deza gagn zot rekonpans.

Mt 6:5 Referans Kwoze

Mt 6:2

Kan to fer lasarite, pa bizin sonn tronpet kouma bann ipokrit fer dan bann sinagog ek dan lari, pou ki dimounn aplodi zot. Laverite, mo dir zot, zot finn fini resevwar zot rekonpans.

Lk 18:13

Me komi tax-la, ti pe dibout net par deryer e li pa ti mem oze lev so lizie pou get lesiel. Li ti pe tap so pwatrinn e li ti pe dir, ‘Bondie, pitie mwa parski mo enn peser!’

Mk 11:25

Kan zot vinn devan Bondie pou priye, si zot ena kiksoz kont enn dimounn, al pardonn li, pou ki zot papa dan lesiel pardonn osi zot bann fot.”

Lk 20:47

Zot devor ti-kas ki bann vev finn ramase e zot fer long-long lapriyer pou ki tou dimounn trouv zot. Zot pou gagn pli gran kondanasion.

Let Zak 4:6

Me Bondie donn tou dimounn boukou plis lagras, samem Lekritir dir osi, “Bondie kont bann orgeye e li donn lagras bann ki ena limilite.”

Lk 18:1

Zezi rakont enn parabol pou montre ki bizin touletan priye san dekouraze.

Ef 6:18

Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

Lk 11:43

Maler lor zot bann Farizien! Zot kontan bann premie plas dan sinagog e zot kontan loner lor laplas piblik.

Mt 21:22

Tou seki zot dimande dan lafwa, zot pou resevwar.”

Psom 55:17

Gramatin, midi, aswar mo rakont mo douler ek mo soufrans. Li pa pou fer sourd ar mo lapriyer.

Psom 5:2

Twa mo Bondie, mo Lerwa, ekout mwa kan mo kriye twa, se twa ki mo priye.

1 Tes 5:17

Priye touletan.

Zn 16:24

Ziska aster-la, zot pa finn demann nanye lor mo nom; demande, zot pou resevwar, lerla zot pou ranpli ar lazwa.

Mk 12:38

Dan so lansegnman Zezi ti pe dir, “Fer atansion ar bann dokter lalwa. Zot kontan pavane avek zot gran-gran rob e zot kontan kan dimounn kourbe devan zot lor plas piblik.

Mt 9:38

Alor, priye met rekolt pou avoy travayer”

Mt 23:13

Maler lor tou bann dokter lalwa ek Farizien ipokrit! Zot finn ferm laport lesiel pou dimounn. Zotmem zot pa rantre e kan lezot anvi rantre, zot blok laport.

Proverb 16:5

LESEGNER deteste larogans; bann arogan pou gagn zot pinision.

Mt 23:6

Zot kontan bann premie plas dan bann fet ek bann meyer plas dan sinagog.

Proverb 15:8

Lapriyer bon dimounn fer LESEGNER plezir; me li deteste lofrand bann malonet.

Mt 6:16

Kan zot fer karem, pa bizin fer lakagn, kouma bann ipokrit, zot fer long-long figir pou montre lezot ki zot pe karem. Laverite mo dir zot, zot finn fini gagn zot rekonpans;

Mt 6:1

“Tansion zot pratik zot devwar relizie devan lezot, zis pou lizie lezot; sinon zot pa pou gagn rekonpans ki sorti kot zot Papa dan lesiel.

Mt 23:5

Me zot kontan fer kiksoz pou lizie dimounn, zot bann filakter bien-bien gran e franz zot manto bien long.

Lk 6:24

Bienmalere zot ki bann ris parski zot finn deza resevwar zot konsolasion.