Mt 6:19 - Nouvo Testaman Kreol Morisien Harmonisation NTPS KM

¹⁹ Pa ramas trezor lor later, la kot lever ek larouy kapav detrir li, e kot voler kapav defonse pou kokin.

Nouvo Testaman dan Kreol Morisien

¹⁹ Pa ramas trezor lor later, la kot lever ek larouy kapav detrir li, e kot voler kapav defonse pou kokin.

Mt 6:19 Referans Kwoze

Eb 13:5

Ki lamour pou larzan pa determinn zot lavi, kontant zot avek seki zot ena, parski Bondie finn dir “Zame mo pa pou kit twa, ni abandonn twa.”

Lk 12:21

Ala seki pou ariv dimounn ki ramas dibien zis pou li, me ki pa ramas rises kot Bondie.”

Proverb 16:16

Rod lasazes plito ki lor; swazir bon rezonnman plito ki larzan.

Proverb 11:4

Kan Bondie pou rann so zizman, to rises pa pou sov twa; me lonette ek fidelite kapav prezerv to lavi.

Lk 18:22

Letan Zezi tann sa, li dir li, “To mank enn kiksoz. Vann tou seki to ena, donn bann pov, e to pou ena enn trezor dan lesiel; apre sa vini, swiv mwa.”

1 Tim 6:17

Dir bann dimounn ris dan sa lavi-la, pa rant dan lorgey e pa met zot lesperans dan bann fos rises. Met zot lesperans plito dan Bondie ki donn nou tou seki nou bizin dan labondans.

Lk 12:33

Vann zot dibien e donn bann pov; ranpli zot kof ar rises ki pa pou fini; ramas rises ki dan lesiel e ki pa pou disparet; parski kot sa ete, voler pa kapav koste e karya pa kapav manze.

Lk 18:24

Zezi trouv li bien tris, alor li dir, “Pa fasil pou bann ris rant dan Rwayom Bondie!

Psom 62:10

Pa met konfians dan violans; pa met lespwar dan lamone kokin; mem kan larises pe ogmante pa met konfians ladan.

Psom 39:6

dimounn ale vini kouma enn lonbraz. Tou seki nou fer pa vo nanye; nou ramas enn fortinn me pa kone kisann-la pou erite.

Mt 19:21

Zezi dir li, “Si to anvi vinn parfe, ale, vann tou to dibien, donn bann pov e to pou gagn enn trezor dan lesiel; apre sa vini, swiv mwa.”

Mt 6:20

Ramas zot trezor plito dan lesiel, la kot ni lever, ni larouy pa kapav detrir li, e kot voler pa kapav defonse pou kokin,

Lk 12:39

Ala seki zot bizin kone: si proprieter lakaz ti kone ki ler voler ti pou vini, li pa ti pou les li rant dan so lakaz.