Mt 5:7 - Nouvo Testaman Kreol Morisien Harmonisation NTPS KM

⁷ Bienere zot ki montre konpasion pou lezot, Bondie pou pitie zot.

Nouvo Testaman dan Kreol Morisien

⁷ Bienere zot ki montre konpasion pou lezot, Bondie pou pitie zot.

Mt 5:7 Referans Kwoze

Ef 4:32

Zot bizin ena bonte ek boukou lafeksion pou lezot; pardonn zot prosin kouma Bondie finn pardonn zot par Lekris.

Psom 18:25

SEGNER to fidel ar seki montre limem fidel; to montre to san repros ar seki san repros;

Let Zak 2:13

Bondie pou san pitie letan li ziz dimounn ki pa finn montre pitie; pitie gagn laviktwar lor zizman.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.

Let pou Kolosien 3:12

Zot, zot bann ki Bondie finn swazir, finn sanktifie, finn kontan, alor met dan zot leker bann santiman konpasion, bienveyans, imilite, douser, pasians.

Lk 6:35

Me zot, kontan zot lennmi, fer dibien, e prete san atann nanye an-retour. Zot rekonpans pou gran, e zot pou zanfan Bondie Treo parski li bon ar bann ingra ek bann move.

Proverb 19:17

Kan to ed bann pov, to pe pret LESEGNER, limem ki pou rekonpans twa.

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot ankor pe fer zordi.

Eb 4:16

Avek konfians, anou apros tronn Bondie pou resevwar so mizerikord ek so lagras pou ed nou kan nou bizin.

Proverb 11:17

Bann bon dimounn pou gagn zot rekonpans; bann malfeter atir zot prop maler.

1 Pi 2:10

Avan, zot pa ti so pep, me aster-la, zot pep Bondie; avan, zot pa ti ankor ena mizerikord, me aster-la, zot ena mizerikord.

Mk 11:25

Kan zot vinn devan Bondie pou priye, si zot ena kiksoz kont enn dimounn, al pardonn li, pou ki zot papa dan lesiel pardonn osi zot bann fot.”

Proverb 14:21

Kan to mepriz to prosin ki gagn fin, to fer enn pese; bienere bann ki bon anver bann pov.

Psom 112:9

Li bien zenere, li ed bann malere, e so drwatir res pou touzour; li pou ena pouvwar e dimounn pou respekte li.

Psom 112:4

Dan marenwar lalimier briye pou dimounn ki drwat, pou dimounn ki zenere, bon ek zis.

Psom 37:26

Touletan li zenere e li ed lezot e so zanfan zot enn benediksion pou li.

1 Tim 1:13

Malgre mo ti pe blasfeme, mo ti enn persekiter e mo ti fer violans, zordi, Bondie finn pardonn mwa. Akoz mo liniorans, mo finn azir san lafwa.

1 Ko 7:25

Aster-la, lor size bann fam ki pa marye, mo pena okenn lord ki Lesegner finn done, me mo donn mo lopinion parski mo enn zom ki merit zot konfians akoz labonte Lesegner.

1 Tim 1:16

me mo finn gagn so pardon parski Zezi, atraver mwa, oule manifeste tou so pasians. Mwa mo enn lexanp pou tou seki krwar dan Li pou ki zot gagn lavi eternel.

2 Ko 4:1

Parski par mizerikord Bondie, nou ena enn minister pou akonpli, nou pa kapav perdi kouraz.

Let pou Romin 11:30

Kanta zot, bann non-Zwif, zot ti dezobeir Bondie dan lepase, me zordi zot finn gagn konpasion Bondie parski bann Zwif finn dezobeir.

Proverb 11:25

Dimounn ki zenere pou prospere; seki donn lezot enn ver dilo, zame pa pou gagn swaf.