Mt 5:5 - Nouvo Testaman Kreol Morisien Harmonisation NTPS KM

⁵ Bienere zot ki dou ek ranpli avek limilite, zot pou erit later promiz.

Nouvo Testaman dan Kreol Morisien

⁵ Bienere zot ki dou e ranpli avek imilite, zot pou erit later promiz.

Mt 5:5 Referans Kwoze

Psom 37:11

Bon dimounn pou erit later e zot pou viv enn lavi prosper ek pezib.

Let Zak 3:13

Eski ena kikenn parmi zot ki panse li saz ek intelizan? Ki li prouv li par so bon kondwit, par so bann aksion ki li akonplir avek sazes ek limilite.

Psom 149:4

LESEGNER trouv so boner omilie so pep e li kouronn bann feb ar laviktwar.

Ga 5:23

douser, kontrol so prop lekor, pena lalwa kont sa bann kiksoz-la

Let Zak 1:21

Alor, rezet tou zot move manier ek zot mesanste. Me dan limilite, akeyir parol ki Bondie finn plant dan zot leker, samem parol ki pou sov zot.

Psom 25:9

Ar li dimounn pa vantar zot aprann seki drwat parski li montre zot so bon sime.

Let pou Kolosien 3:12

Zot, zot bann ki Bondie finn swazir, finn sanktifie, finn kontan, alor met dan zot leker bann santiman konpasion, bienveyans, imilite, douser, pasians.

Mt 11:29

Met mo fardo lor zot ledo, e vinn aprann ar mwa parski mo karakter li dou e mo leker ranpli ar limilite

Ef 4:2

ar limilite, douser ek pasians. Ki zot soutenir zot kamarad avek amour.

1 Pi 3:15

me dan zot leker onor Kris kouma zot Segner. Touletan zot bizin pare pou defann zot lafwa kan dimounn dimann zot explik lesperans ki dan zot;

Let pou Tit 3:2

Pa koz bonavini lor personn, evit dispit ek montre zot bienveyan anver zot prosin san lev lavwa an piblik.

Psom 37:22

Kan LESEGNER beni ou, ou pou okip later; me si li modi ou, pa pou ena plas pou ou okenn plas.

Psom 37:9

Bann ki pratik lemal pou elimine, bann ki finn met zot konfians dan LESEGNER zot pou posed later.

1 Pi 3:4

me plito ena enn leker dou avek enn lespri trankil ki zame pa pou gate; e sa enn kado presie sorti depi leker Bondie.

Psom 25:13

Zot pou viv dan prosperite e zot zanfan pou posed later.

1 Tim 6:11

Me twa ki reprezant Bondie, evit tousala. Rod lazistis, latasman ar Bondie, lafwa, lamour, pasians ek douser.

Psom 69:32

Kan bann ki pe soufer trouv sa zot pou kontan; bann ki zot leker pe rod Bondie pou regagn kouraz.

Psom 37:29

Bann ki swiv bon sime pou posed later e viv lor la pou touletan.

Psom 37:34

Met lespwar dan LESEGNER e ekout so konsey; li pou donn ou loner vinn proprieter ou later; parkont bann move dimounn pou perdi tou.

2 Tim 2:25

Bizin repran bann adverser avek douser ek imilite. Bondie kapav sanz zot leker ek fer zot trouv laverite.

Let pou Romin 4:13

Bondie ti promet Abraam ek so bann desandan ki zot pou erit later antie. Sa promes-la pa ti fer lor baz ki Abraam ti obeir lalwa, me akoz lafwa ki li ti ena dan Bondie. Sa finn rann li zis devan Bondie.

Psom 147:6

Li relev bann feb ki finn kraze; me li zet bann move dimounn anba dan lapousier.

Mt 21:5

“Dir popilasion Zerizalem: gete, zot lerwa pe vini li lor enn ti bourik, e li ranpli ar imilite.”

Psom 22:26

Pou ena boukou manze pou bann pov; bann ki pe rod LESEGNER pou loue li. Ki LESEGNER donn zot tou boner ek prosperite pou touletan.