Mt 5:3 - Nouvo Testaman Kreol Morisien Harmonisation NTPS KM

³ “Bienere zot ki pov dan zot lespri, Rwayom Bondie li pou zot.

Nouvo Testaman dan Kreol Morisien

³ “Bienere zot ki pov dan zot lespri, Rwayom Bondie li pou zot.

Mt 5:3 Referans Kwoze

Proverb 29:23

Kan to viv ek lorgey, enn zour to pou abese; me si to viv ek limilite, enn zour to pou onore.

Psom 34:18

LESEGNER li touletan pre ar seki pe perdi kouraz; li replant lespwar kot lespwar finn mor.

Proverb 16:19

Preferab enn lavi sinp parmi bann pov, ki pran par dan rises mal-gagne bann orgeye.

Lk 18:14

Mo dir zot, kan sa dimounn-la rant so lakaz li pou gagn pardon Bondie, me pa lot-la. Seki rod grander pou abese, e seki abese pou gagn grander.”

Psom 51:17

Sakrifis ki Bondie oule, li enn leker brize. Bondie akeyir enn peser leker brize ki finn repanti.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemond pou ki zot vinn ris dan lafwa e posed rwayom ki finn promet bann ki kontan li.

Lk 11:28

Me Zezi reponn li, “Bienere plito seki ekout Parol Bondie e obeir li!”

Psom 112:1

Alelouya, nou sant louanz LESEGNER! Bienere dimounn ki onor LESEGNER, ki obeir so lansegnman ar plezir.

Psom 1:1

Bienere sa dimounn ki pa ekout konsey bann ki fer lemal, ki pa swiv sime dimounn ki fer pese, ki pa asiz ar dimounn vantar.

Mt 11:25

Sa mem lepok-la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz-la bann saz ek bann intelizan, me to finn revel zot ar bann pli tipti.

Lk 4:18

“Lespri Lesegner lor mwa, parski Li finn konsakre mwa par lonksion pou anons bann pov Bonn Nouvel. Li finn avoy mwa proklam delivrans bann seki an kaptivite, pou ki bann aveg trouv kler, pou ki bann oprime retrouv zot liberte,

Mk 10:14

Zezi agase, li dir zot, “Les bann ti zanfan vinn ar mwa, napa anpes zot parski Rwayom Bondie pou dimounn ki parey kouma zot.

Mt 13:16

Me zot, zot bienere, parski zot lizie trouve e zot zorey tande.

Psom 146:5

Bienere dimounn ki trouv sekour dan Bondie ki Zakob ti priye; ki met tou lespwar dan LESEGNER so Bondie,

Psom 41:1

Bienere dimounn ki pran kont ek ed bann pov kan zot dan difikilte, LESEGNER pou delivre zot.

Psom 2:12

Met zot azenou divan li. Pa bliye so lakoler anflame vit e zot kapav zwenn lamor lor sime. Bienere tou dimounn ki mars ar li e ki gagn so proteksion.

Let Zak 1:12

Li pou bienere sa dimounn ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Zn 20:29

Zezi dir, “Akoz to trouve, to finn krwar? Bienere seki krwar san trouve.”

Mt 24:46

Ere sa serviter ki so met pou trouv li pe travay kan li arive.

Psom 84:12

SEGNER Toupwisan, nou leker ranpli ar lazwa parski nou finn met nou konfians an twa.

Let Zak 1:10

e enn krwayan ki ris trouv so fierte akoz Bondie abes li, parski risar-la pou disparet kouma enn fler dan karo.

Proverb 8:32

Aster-la, ekout mwa mo bann zanfan: bienere zot, ki mars dan mo sime.

Revelasion 22:14

Bienere dimounn ki lav so rob pou li gagn drwa manz fri pie lavi e rant dan lavil par so bann laport.

Revelasion 19:9

Apre sa, enn anz ti dir mwa, “Ekrir sa: Zot pou ere, bann ki invite dan maryaz Agno.” Lerla li dir mwa, “Samem vre parol Bondie.”

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Psom 128:1

Bienere tou dimounn ki ena respe pou LESEGNER, bann ki swiv sime li finn trase.

Mt 11:6

Bienere, sa dimounn ki pa tom dan pese akoz mwa.”

Mt 8:11

Ala mo dir zot: boukou pou sorti dan les ek dan lwes e pou asiz atab avek Abraam, Izaak, ek Zakob dan rwayom lesiel.

Mt 3:2

Li ti pe dir, “Sanz zot leker, Rwayom Bondie finn aprose.”

Mt 19:14

Me Zezi dir, “Les bann ti zanfan vinn ar mwa, pa anpes zot parski Rwayom Lesiel pou dimounn ki parey kouma zot.”

Lk 22:29

akoz samem mo pou donn zot pouvwar lor Rwayom parey kouma mo Papa finn donn mwa,

Lk 22:30

pou ki zot manze ek bwar lor mem latab ar mwa dan mo Rwayom e ki zot siez lor tronn pou ziz douz tribi Izrael.”

Revelasion 3:17

To dir, ‘Mo ris, mo pe prospere, mo pa bizin nanye.’ An verite to pa kone ki to dan lamizer, malere, pov, aveg ek touni.