Mt 3:2 - Nouvo Testaman Kreol Morisien Harmonisation NTPS KM

² Li ti pe dir, “Sanz zot leker, Rwayom Bondie finn aprose.”

Nouvo Testaman dan Kreol Morisien

² Li ti pe dir, “Sanz zot leker, Rwayom Bondie finn aprose.”

Mt 3:2 Referans Kwoze

Mt 4:17

Depi sa letan-la Zezi koumans proklame, “Sanz zot leker, parski Rwayom Bondie pe aprose.”

Mk 1:15

Li dir: “Ler finn arive, Rwayom Bondie pe koste. Sanz zot leker, krwar dan Bonn Nouvel.”

Lk 24:47

e bizin proklam Parol Bondie lor so nom, repantans e pardon bann pese devan tou bann nasion depi Zerizalem.

Mt 6:10

Fer to regn vini realiz to volonte lor later kouma dan lesiel.

2 Ko 7:10

Tristes ki Bondie servi li amenn enn sanzman leker ki sov nou e ki pena okenn regre; tristes dapre lemond li amenn lamor.

Mt 10:7

Lor zot sime, anons, ‘Rwayom Bondie pe aprose.’

Zistwar Bann Zapot 3:19

Alors, sanz zot leker e tourn ver Bondie pou ki li efas zot pese,

Lk 15:10

Li pou parey pou bann anz Bondie ki pou dan lazwa akoz enn peser ki finn repanti.”

Lk 13:3

Mo dir zot, pa ditou! Me si zot pa repanti, zot pou mor parey.

Lk 11:20

Me si mo sas demon par lame Bondie, savedir Rwayom Bondie finn vinn kot zot.

2 Pi 3:9

Lesegner, li pa tarde pou realiz so promes, parey kouma sertin dimounn panse, me li pasian avek zot, parski li pa anvi ki enn parmi zot tonbe, me ki zot tou repanti.

Zistwar Bann Zapot 17:30

Bondie finn met deryer nou sa letan iniorans la; aster-la li dimann tou dimounn partou repanti,

Zistwar Bann Zapot 11:18

Kan bann-la tann sa zot res trankil. Zot ti glorifie Bondie. Zot dir, “Alor Bondie finn donn bann ki pa Zwif repantans ki donn vre lavi.”

Zistwar Bann Zapot 2:38

Pier reponn, “Repanti, e resevwar batem dan nom Zezi Kris pou zot gagn pardon pou zot pese; e zot pou resevwar don ki Bondie done, Lespri Sin.

Lk 6:20

Apre sa Zezi get so bann disip e li dir, “Bienere zot ki bann pov, Rwayom Bondie pou zot.

Mt 13:52

Lerla li dir zot, “Tou dokter lalwa ki finn vinn disip rwayom lesiel, li kouma enn proprieter lakaz ki separ dan so trezor seki nef ek seki vie.”

Mt 13:47

“Rwayom lesiel, parey kouma enn file ki zot avoy dan lamer. File-la may tou sort kalite pwason;

Mt 13:33

Li rakont zot enn lot parabol, “Rwayom Lesiel, parey kouma levin ki enn madam pran pou melanz avek trwa goble lafarinn ziska tou lapat-la monte.”

Mt 12:41

Bann abitan Niniv pou leve zour zizman e zot pou kondann sa zenerasion-la, parski zot, zot ti konverti ler Zonas ti pres zot laparol. Ena isi pli gran ki Zonas!

2 Tim 2:25

Bizin repran bann adverser avek douser ek imilite. Bondie kapav sanz zot leker ek fer zot trouv laverite.

Let pou Kolosien 1:13

Li finn aras nou dan pouvwar teneb e li finn transfer nou dan Rwayom so Garson bieneme;

Zistwar Bann Zapot 20:21

Mo finn rann temwaniaz ar bann Zwif ek bann Grek ki zot bizin repanti devan Bondie e gard lafwa dan Lesegner Zezi.

Lk 15:7

Mo dir zot, pou ena boukou plis lazwa dan lesiel pou enn sel peser ki finn repanti, ki pou katrovin-diznef dimounn ki zis, ki pa bizin repanti.”

Lk 13:5

Mo dir zot, pa ditou! Me si zot pa repanti, zot pou mor parey.

Lk 9:2

Li avoy zot al proklam Rwayom Bondie e al geri bann malad.

Mk 6:12

Bann disip ale, zot proklame ki dimounn bizin sanz zot leker.

Mk 1:4

Zan Batis paret dan dezer; li proklam enn batem pou ki bann dimounn sanz zot leker e ki zot pese pardone.

Mt 5:10

Bienere zot ki dimounn pe persekite akoz zot fer dibien, Rwayom Bondie li pou zot.

Mt 5:3

“Bienere zot ki pov dan zot lespri, Rwayom Bondie li pou zot.

Revelasion 2:21

Mo ti donn li letan pou repanti, me li ti refize e kontign prostitie li.

Mt 13:31

Zezi rakont zot enn lot parabol, li dir, “Rwayom lesiel, parey kouma lagrin moutard ki kikenn pran pou sem dan so karo;

Mt 13:11

Li reponn zot, “Parski zot, finn donn zot kapasite resevwar don pou konn sekre Rwayom Bondie, me lezot pa finn resevwar sa.

Mt 6:33

Rod plito Rwayom Bondie ek so lazistis, e tou lezot kiksoz li pou donn zot anplis.

Revelasion 2:5

Rapel bien kot to finn sorti pou tom la, sanz to konportman e azir parey kouma to ti abitie fer dan koumansman. Si to pa sanz twa, mo pou vinn tir to sandelie dan so plas.

Eb 6:1

Alor, anou les dekote bann lansegnman elemanter lor Lekris pou nou grandi kouma bann adilt. Nou pena pou retourn lor bann premie leson, kouma: aret nou bann move aksion ki amenn lamor e krwar dan Bondie;

Zistwar Bann Zapot 26:20

Mo finn anons an premie dan Damas, apre Zerizalem, answit partou dan Zide ek osi ar bann non-Zwif ki zot bizin repanti, retourn ar Bondie ek fer bann aksion ki montre ki zot finn vremem repanti.

Mt 22:2

“Rwayom lesiel parey kouma enn lerwa ki organiz enn lanos pou maryaz so garson.

Mt 25:1

“Alor rwayom lesiel pou parey kouma zistwar sa dis zennfi ki pran zot lalanp pou al zwenn nouvo marye.

Mt 23:13

Maler lor tou bann dokter lalwa ek Farizien ipokrit! Zot finn ferm laport lesiel pou dimounn. Zotmem zot pa rantre e kan lezot anvi rantre, zot blok laport.

Mt 20:1

“Rwayom lesiel resanble enn proprieter ki sorti gramatin pou anplway bann travayer dan so karo rezin.

Mt 18:23

Se pou sa rezon-la ki rwayom lesiel li parey enn lerwa ki deside pou regle so kont avek so bann serviter.

Mt 11:20

Alor Zezi koumans fer repros ar sa bann lavil kot li finn fer boukou mirak parski dimounn pa finn konverti.

Lk 21:31

Li parey kan zot pou trouv sa bann evennman-la arive; zot kone ki Rwayom Bondie pe aprose.

Lk 16:30

Li reponn, ‘Non, papa Abraam, me si enn parmi bann mor al get zot, zot pou repanti.’

Mt 25:14

“Rwayom lesiel parey kouma enn dimounn ki pe al an vwayaz, li apel so bann serviter pou konfie zot so dibien.

Mt 13:24

Zezi rakont lafoul enn lot parabol: “Kapav konpar Rwayom Bondie ar enn dimounn ki finn sem enn bon lagrin dan so karo;

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

Lk 1:16

Li pou fer boukou zanfan Izrael retourn ar Lesegner zot Bondie.