Mt 23:26 - Nouvo Testaman Kreol Morisien Harmonisation NTPS KM

²⁶ Farizien aveg! Avan tou netway andan tas pou ki so andeor osi kapav prop.

Nouvo Testaman dan Kreol Morisien

²⁶ Farizien aveg! Avan tou netway andan tas pouki so andeor osi kapav prop.

Mt 23:26 Referans Kwoze

Let Zak 4:8

Apros zot ar Bondie e li pou vinn pros ar zot. Zot, bann peser, netway zot lame ek pirifie zot leker ipokrit.

2 Ko 7:1

Mo bann kamarad, tou sa bann promes-la valab pou nou. Akoz sa nou bizin pirifie noumem, separ nou avek tou seki kapav sali nou lekor ek nou lam; e anou viv enn lavi konpletman sin, dan respe pou Bondie.

Eb 10:22

Anou apros nou kot Bondie avek enn leker sinser ek enn lafwa total, leker prop dan enn lekor lave avek dilo pir.

Mt 12:33

Swa fer enn pie vinn bon lerla so fri osi pou bon, swa enn pie malad lerla so fri osi pou malad, parski nou rekonet pie-la dapre so fri.

Lk 6:45

Enn bon dimounn prodir dibien depi bon trezor ki dan so leker, e move dimounn prodir lemal depi so move trezor; parski labous exprim seki debord dan leker.

Mt 14:8

Lor konsey so mama, li ti fer sa demann-la: “Donn mwa, aster-la mem latet Zan Batis lor enn plato.”

Mk 7:4

Kan zot sorti dan enn landrwa piblik, zot bizin lav zot, apre zot manze. Ena enn pake tradision koumsa ki zot finn resevwar e ki zot bien respekte, par exanp zot lav bann koup, brok, deksi.

Lk 11:39

Lerla Lesegner dir li, “Ala kouma zot ete bann Farizien. Zot netway andeor zot koup ek zot lasiet bien prop, me andan zot ranpli ar lespri rapas ek mesanste.