Mt 23:12 - Nouvo Testaman Kreol Morisien Harmonisation NTPS KM

¹² Dimounn ki anvi gagn laglwar, pou imilie li, dimounn ki imilie li, pou gagn laglwar.

Nouvo Testaman dan Kreol Morisien

¹² Dimoun ki anvi gagn laglwar pou imilie li, dimoun ki imilie li pou gagn laglwar.

Mt 23:12 Referans Kwoze

1 Pi 5:5

Zot osi, bann zenn, zot bizin aksepte lotorite bann ansien. Zot tou bizin met lor zot enn tabliye ki apel limilite pou zot servi zot kamarad, parski Lekritir dir: “Bondie li kont bann ki ena lorgey, me li donn so lagras bann ki viv dan limilite.”

Let Zak 4:6

Me Bondie donn tou dimounn boukou plis lagras, samem Lekritir dir osi, “Bondie kont bann orgeye e li donn lagras bann ki ena limilite.”

Lk 14:11

Seki rod grander pou abese, seki abese pou gagn grander.”

Proverb 29:23

Kan to viv ek lorgey, enn zour to pou abese; me si to viv ek limilite, enn zour to pou onore.

Lk 18:14

Mo dir zot, kan sa dimounn-la rant so lakaz li pou gagn pardon Bondie, me pa lot-la. Seki rod grander pou abese, e seki abese pou gagn grander.”

Mt 18:4

Dimounn ki pli gran dan rwayom lesiel li kikenn ki abes li e fer li vinn tipti kouma sa zanfan-la.

Proverb 15:33

Respe pou LESEGNER fer gagn lasazes; limilite ouver laport loner.

Mt 5:3

“Bienere zot ki pov dan zot lespri, Rwayom Bondie li pou zot.

Psom 138:6

Mem to lao laba dan lesiel, to okip bann ti-dimounn anba e bann vantar to rekonet zot depi lwin.

1 Pi 5:6

Zot bizin kourb zot devan lame pwisan Bondie, pou ki li kapav lev zot lao-lao kan ler arive.