Mt 21:23 - Nouvo Testaman Kreol Morisien Harmonisation NTPS KM

²³ Ler Zezi rant dan Tanp, bann sef pret ek bann ansien vinn kot li, e zot dimann li, “Par ki lotorite to pe fer sa bann kiksoz-la, kisann-la finn donn twa sa lotorite-la?”

Nouvo Testaman dan Kreol Morisien

²³ Ler Zezi rant dan tanp, bann sef pret ek bann ansien vinn kot li, e zot dimann li, “Par ki lotorite to pe fer sa bann kiksoz la, kisannla finn donn twa sa lotorite la?”

Mt 21:23 Referans Kwoze

Zistwar Bann Zapot 4:7

Ler ti amenn Pier ek Zan devan zot, zot kestionn sa de-la, “Par ki pouvwar ek ki nom zot servi pou fer sa gerizon-la?”

Lk 19:47

Toulezour Zezi ti pe ansegne dan Tanp. Bann sef pret, bann dokter lalwa ek dimounn bien inflian ti pe rod touy li.

Mt 26:55

Lerla Zezi dir ar lafoul, “Eski zot ti bizin vinn ar lepe ek gourdin pou aret mwa koumadir mo enn voler? Toulezour mo ti pe asize dan Tanp e mo ti pe ansegne e zame zot finn aret mwa.

Zistwar Bann Zapot 7:27

Me sa zom ki ti pe maltret so prosin la ti pous Moiz e ti dir li, ‘Kisann-la finn fer twa sef pou ziz nou?

Mt 21:24

Zezi dir zot, “Mo pou poz zot enn ti kestion mwa osi; si zot dir mwa so repons, lerla mo pou dir zot par ki lotorite mo fer sa bann kiksoz-la.

Mt 24:1

Letan Zezi sorti dan Tanp li pe ale, so bann disip vinn kot li pou fer li remark konstriksion Tanp.

Lk 20:1

Enn zour, Zezi ti pe ansegn lepep dan Tanp e li ti pe anons Bonn Nouvel. Bann sef pret, bann dokter lalwa ek bann ansien vini tom lor li.

Mt 20:4

Li dir zot, ‘Al dan mo karo e mo pou pey zot enn saler rezonab.’ E zot al travay.