Mt 19:27 - Nouvo Testaman Kreol Morisien Harmonisation NTPS KM

²⁷ Pier dir li, “Get nou, nou finn kit tou pou swiv twa. Alor ki pou ariv nou?”

Nouvo Testaman dan Kreol Morisien

²⁷ Pier dir li, “Get nou, nou finn kit tou pou swiv twa. Alor ki pou ariv nou?”

Mt 19:27 Referans Kwoze

Let pou Filipien 3:8

Ler mo konpar grander dibien ki mo gagne dan konesans Zezi Kris, mo konsider tou kiksoz kouma enn lapert. Akoz li mo finn perdi boukou kiksoz ki mo konsider kouma enn bann salte pou mo kapav gagn Kris,

Lk 5:11

Letan zot fini ris pirog ater, zot kit tou, zot swiv Zezi.

Lk 18:28

Lerla Pier dir li, “Nou finn kit tou seki nou posede pou swiv twa.”

Lk 15:29

me li reponn so papa, ‘Get sa, komie banane mo finn servi twa, zame mo finn dezobeir to lord; e zame to finn donn mwa enn ti kabri pou mo fer fet ar mo bann kamarad.

Mk 10:28

Pier koumans dir, “Be nou, nou finn kit tou pou swiv twa.”

Mk 2:14

Letan li ti pe pase, li trouv Levi, garson Alfe. Li ti pe asize devan biro tax. Zezi dir li, “Swiv mwa.” Lerla, li leve, li swiv Zezi.

Lk 14:33

Alors, si zot pa renons tou seki zot posede, zot pa pou kapav vinn mo disip.

Mt 9:9

Letan Zezi kit li ale, li trouv enn boug ki ti apel Matie, li ti pe asiz dan biro tax. Zezi dir li, “Swiv mwa.” Matie leve swiv li.

1 Ko 4:7

Dan ki manier to panse to pli siperyer ki enn lot? Tou seki to ena, to pa finn gagn sa ar Bondie? Si li koumsa, kifer to fer vantar komsi seki to ena la, to pa finn gagn li an kado?

1 Ko 1:29

pou ki personn pa fer fezer devan Bondie.

Mt 19:26

Zezi get zot fran-fran e dir zot, “Pou dimounn, li inposib, me pou Bondie tou kiksoz posib.”

Mt 19:28

Zezi dir zot, “Laverite mo dir zot, dan sa nouvo lemond-la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.