Mt 16:16 - Nouvo Testaman Kreol Morisien Harmonisation NTPS KM

¹⁶ Simon Pier reponn, “To Lemesi, Garson Bondie Vivan.”

Nouvo Testaman dan Kreol Morisien

¹⁶ Simon Pier reponn, “To Lemesi, Garson Bondie Vivan.”

Mt 16:16 Referans Kwoze

Mt 14:33

Bann ki ti dan pirog, zot tom azenou, zot loue li, zot dir, “Vremem to Garson Bondie.”

Zn 11:27

Li reponn, “Wi Segner, mo krwar ki twa, to Lekris, Garson Bondie ki pe vinn dan lemond.”

1 Zn 4:15

Si kikenn konfese ki Zezi limem Garson Bondie, Bondie res ini avek li e li res ini ar Bondie.

Mt 27:54

Santiryon Romin ek bann solda ki ti pe vey Zezi trouv later tranble e zot temwin tou seki ti pe arive. Alor zot gagn per e zot dir, “Vremem li ti Garson Bondie.”

1 Tim 4:10

Kan nou lite, kan nou debat nou montre ki nou lesperans baze dan Bondie vivan ki Sover tou dimounn, Sover bann ki ena lafwa.

Zistwar Bann Zapot 9:20

Toutswit apre li koumans proklam Zezi dan sinagog, li dir, “Limem Garson Bondie.”

1 Tes 1:9

Tou dimounn pe rakonte ki kalite lakey nou ti gagne kot zot e kouma zot ti abandonn bann idol pou servi vre Bondie vivan.

Mt 26:63

Me Zezi pa dir nanye. Alor gran pret dir li, “Fer serman lor nom Bondie Vivan e dir nou si vremem to Lekris, Garson Bondie.”

1 Zn 5:5

Kisann-la ki gagn laviktwar lor lemond? Zis dimounn ki krwar ki Zezi li Garson Bondie.

Eb 10:31

Li enn kitsoz terib pou tom dan lame Bondie vivan.

Let pou Romin 1:4

me dapre Lespri Sin, li deklare Garson Bondie avek enn gran pwisans kan ti resisit li depi bann mor.

Psom 2:7

Lerwa dir, “Les mo anons zot deklarasion LESEGNER. Li finn dir mwa, ‘Zordi, zour to kouronnman, to finn vinn mo garson e mwa mo finn vinn to Papa.

Mk 14:61

Li res trankil, li pa dir nanye. Gran pret poz li kestion ankor enn fwa, li dir li, “Tomem Lemesi, Garson Bondie beni?”

Zn 20:31

Tousala finn ekrir pou ki zot krwar ki Zezi-mem Lekris, Garson Bondie e pou ki bann seki krwar gagn lavi par so nom.

Zn 1:49

Natanael reponn, “Met, tomem Garson Bondie, Lerwa Izrael.”

Eb 12:22

Me zot, zot finn apros montagn Sion, lavil Bondie vivan, zot finn apros Zerizalem ki dan lesiel, kot enn lafoul anz pe fete.

1 Tim 3:15

Si zame mo tarde, to kone aster-la ki fason to bizin konport twa dan lakaz Bondie, samem Legliz Bondie ki vivan, kouma enn kolonn ek enn sipor ki tini laverite.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

2 Ko 6:16

Ki lakor ena ant Tanp Bondie ek bann idol? Parski noumem ki Tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

2 Ko 3:3

Li kler ki zot enn let ki sorti kot Lekris, ki transmet par nou. Li pa finn ekrir ar lank, me avek Lespri Bondie vivan; li pa grave lor bann tablet ros, me dan leker bann imin.

Zistwar Bann Zapot 14:15

“Kamarad, kifer zot pe fer sa? Nou osi nou imin, parey kouma zot, e nou amenn zot enn Bonn Nouvel: zot bizin tourn zot ledo ar sa bann zafer initil la, pou al ver Bondie vivan ki fer lesiel, later, lamer ek tou seki existe.

Mt 4:3

Diab vinn ar li e dir li, “Si tomem Garson Bondie, donn lord sa bann ros-la vinn dipin.”

Psom 42:2

Mo swaf pou Bondie, Bondie vivan. Kan mo pou kapav rant dan to lakaz pou prezant mwa devan twa, pou ador twa?

Zistwar Bann Zapot 8:36

Letan zot pe kontign zot sime, zot ariv kot ena dilo; lerla ofisie-la dir Filip, “Ala dilo, ki anpes mwa resevwar batem?”

Zn 6:69

Nou finn krwar e nou finn kone ki to tousel Sin, ki to sorti kot Bondie.”

Mt 1:16

Zakob ti papa Zozef. Zozef ti marye avek Marie, e Marie finn donn nesans Zezi ki nou apel Lemesi.

Mt 16:15

Li dir zot, “Me zot, ki zot dir mo ete?”

Lk 2:11

zordi dan lavil David, enn Sover, ki Lekris Lesegner, finn ne pou zot.

Zn 6:57

Parey kouma mo Papa ki lasours lavi finn avoy mwa, e mwa mo viv par li, parey seki manz mwa, li osi pou viv par mwa.

Zn 6:68

Simon Pier reponn, “Segner, kot nou pou ale? Tomem ki ena Parol lavi eternel.

2 Ko 1:19

Zezi Kris, Garson Bondie, ki nou - momem, Silas ek Timote - nou finn anonse parmi zot, li pa finn dans-danse ant “Wi” ek “Non”; okontrer li touletan “Wi.”

Eb 3:12

Pran kont, mo bann frer, mo bann ser, pou ki personn parmi zot pa ena enn leker move ek dezobeisan, ki kapav separ li avek Bondie vivan.

Eb 9:14

aster-la, ki kantite disan Kris pli efikas! Par Lespri eternel, li finn ofer limem ar Bondie kouma enn sakrifis parfe, pou pirifie nou konsians; nou pena pou fer bann rit initil, me nou kapav servi Bondie vivan.

Revelasion 7:2

Mo trouv enn lot anz monte, sorti kote soley leve. Li ti ena sele Bondie vivan e li ti kriy bien for ver sa kat anz ki ti finn resevwar pouvwar pou detrir later ek lamer la.

Zistwar Bann Zapot 8:37

Filip dir, “Si to krwar avek tou to leker, li posib.” Li reponn, “Mo krwar ki Zezi Kris limem Garson Bondie.”