Mt 14:36 - Nouvo Testaman Kreol Morisien Harmonisation NTPS KM

³⁶ Zot sipliy li pou ki li les zot tous omwin rebor so linz. Tou seki ti reisi touse, li ti geri.

Nouvo Testaman dan Kreol Morisien

³⁶ Zot sipliy li pouki li les zot tous omwin rebor so linz. Tou seki ti reysi touse, li ti geri.

Mt 14:36 Referans Kwoze

Lk 6:19

Tou dimounn ki dan lafoul ti pe sey tous li, parski enn lafors ti pe sorti dan li e ti pe geri zot tou.

Mk 3:10

Li ti finn geri boukou dimounn; tou seki ti malad, ti pe pouse pou tous li.

Zistwar Bann Zapot 3:16

Sa zom ki zot trouve e ki zot kone la finn retrouv so lafors par lafwa dan nom Zezi Kris. Par sa nom lamem e so lafwa dan Zezi ki li finn regagn so lasante, kouma zot tou zot inn trouve.

Zn 7:23

Si zot fer sirkonsizion lor enn garson zour saba pou ki lalwa Moiz pa kase, be, ki fer alors, zot ankoler ar mwa parski mo finn geri antie lekor enn dimounn zour saba?

Zn 6:37

Tou dimounn ki mo Papa donn mwa pou vinn ar mwa; mo pa pou pous personn.

Mt 23:5

Me zot kontan fer kiksoz pou lizie dimounn, zot bann filakter bien-bien gran e franz zot manto bien long.

Mt 14:35

Letan bann dimounn dan landrwa rekonet Zezi, zot avoy nouvel partou e zot amenn tou bann malad kot li.

Mk 6:56

Partou kot li ale, dan vilaz, dan lavil, dan lakanpagn, zot ti amenn bann malad lor laplas piblik; zot sipliy li pou ki zot kapav tous zis bout so linz; tou dimounn ki ti tous li, ti gagn zot gerizon.

Mk 8:22

Zot ariv Betsaida. Dimounn amenn enn aveg ar Zezi; zot sipliy Zezi tous li.