Mt 14:31 - Nouvo Testaman Kreol Morisien Harmonisation NTPS KM

³¹ Zezi nek avoy lame, trap li, tir li e dir li, “To lafwa feb, kifer to finn doute?”

Nouvo Testaman dan Kreol Morisien

³¹ Zezi nek avoy lame, trap li, tir li e dir li, “To lafwa feb, kifer to finn doute?”

Mt 14:31 Referans Kwoze

Psom 138:7

Si mo mars dan ladetres, to fer mwa reviv. To protez mwa kont lennmi redoutab e to pouvwar sov mwa.

Mt 8:26

Li dir zot, “Kifer zot per? Ala zot lafwa feb la.” Apre li leve, li menas divan ek vag e ti ena enn gran akalmi.

Mt 17:20

Zezi reponn zot, “Parski zot lafwa tro feb. Laverite mo dir zot, si zot ena lafwa groser enn lagrin moutard e ki zot dir montagn, ‘Bouze al laba,’ li pou bouze; nanye pa inposib pou zot.

Mk 5:41

Li trap lame zanfan-la, li dir li, “Talita koum,” ki vedir, “Zennfi, mo dir twa, leve.”

Mk 1:31

Zezi koste, li trap so lame, li lev li. So lafiev kit li ale. Lerla belmer-la koumans servi zot.

Mt 16:8

Ler Zezi aprann tousala, li dir, “Get zot lafwa kouma feb, kifer zot panse ki zot pena dipin?

Zistwar Bann Zapot 4:30

Fer dimounn trouv to pwisans par bann gerizon, bann mirak, ek bann sign, ki pou akonpli dan nom Zezi to serviter.”

Lk 24:34

Bann-la ti pe dir, “Vremem Lesegner finn resisite e li finn paret devan lizie Simon.”

Mk 16:7

Aster, ale, al dir so bann disip ek Pier ki li pe atann zot Galile, parey kouma li ti dir zot. Zot pou trouv li laba.”

Mk 11:23

Laverite mo dir zot, si kikenn dir sa montagn-la, ‘Leve, al zet twa dan lamer,’ si li pena dout dan so leker, me lafwa dan seki li pe dir, samem pou arive.

Mk 1:41

Sa fer Zezi enn gran lapenn; Zezi avans so lame e li tous li. Zezi dir li, “Samem mo volonte, aster to pou pirifie.”

Mt 6:30

Si Bondie abiy enn karo lerb parey, ki zordi pe pouse e dime pou brile dan dife, eski li pa pou abiy zot ankor pli zoli ki sa? Ala zot lafwa mins la!

1 Tim 2:8

Ala kifer, mo pe demande ki dimounn priye partou e touletan, ki zot lev zot lame lao ver lesiel, san fer koler, san lager.

1 Pi 1:5

Ki pwisans Bondie gard zot dan lafwa, pou ki zot fer lexperyans delivrans ki pou revel li dan lafin letan.

Mt 14:30

Me letan li remark lafors divan, li gagn per e li koumans koule; li kriye “Segner, sov mwa!”

Mt 14:32

Ler zot rant dan pirog, divan-la tonbe.

Mk 4:40

Lerla li dir zot, “Kifer zot kapon koumsa? Zot touzour pena lafwa?”