Mt 14:14 - Nouvo Testaman Kreol Morisien Harmonisation NTPS KM

¹⁴ Ler li debark ater, li trouv enn gran lafoul; li pitie zot e li geri tou zot bann maladi.

Nouvo Testaman dan Kreol Morisien

¹⁴ Ler li debark ater, li trouv enn gran lafoul; li pitie zot e li geri tou zot bann maladi.

Mt 14:14 Referans Kwoze

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan toutsort fason, me ki pa finn fer pese.

Mt 9:36

Ler Zezi get lafoul, li ti ranpli ar konpasion pou zot, parski zot ti pe plengne e zot ti abat kouma bann mouton ki pena berze.

Eb 2:17

Pou sa rezon-la, li bizin vinn parey kouma so bann frer e ser dan tou fason, pou li kapav vinn enn gran pret fidel ek ranpli ar mizerikord dan servis Bondie, e pou ki bann pese dimounn pardone.

Eb 5:2

Li pou kapav azir avek douser kont tou bann inioran ek bann peser, parski limem, li feb.

Lk 19:41

Kan Zezi ariv pre ar Zerizalem, li plore kan li trouv lavil-la.

Lk 7:13

Letan Lesegner trouv li, so leker fer mal, e li dir mama-la, “Pa plore.”

Mk 9:22

Plizir fwa, lespri-la finn zet li dan dife ek dan dilo pou fini li; si ou kapav fer kiksoz pou nou, sap nou, pran par dan nou maler.”

Mk 6:34

Letan Zezi debarke, li trouv enn gran lafoul; so leker kase parski zot ti kouma bann mouton san berze. Li koumans ansegn zot boukou kiksoz.

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

Mt 14:15

Ler koumans fer nwar, bann disip vinn dir Zezi, “Sa landrwa-la li dezer e li deza tar, ranvway sa lafoul-la pou zot kapav al aste manze pou zotmem dan vilaz.”