Mt 13:23 - Nouvo Testaman Kreol Morisien Harmonisation NTPS KM

²³ Me seki finn seme dan bon later, li resanble sa dimounn ki tann laparol, konpran li bien e ki raport bann fri; ena raport san, enn lot swasant e enn lot bann trant.”

Nouvo Testaman dan Kreol Morisien

²³ Me saki finn seme dan bon later, li resanble sa dimoun ki tann laparol, konpran li bien e ki raport bann fri; ena raport san, enn lot swasant e enn lot bann trant.”

Mt 13:23 Referans Kwoze

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.

Zn 15:16

Pa zot ki finn swazir mwa, me mwa ki finn swazir zot. Mo finn donn zot mision, ale, raport fri e ki zot fri dire. Lerla tou seki zot demann mo Papa lor mo nom, li pou donn zot.

Mt 12:33

Swa fer enn pie vinn bon lerla so fri osi pou bon, swa enn pie malad lerla so fri osi pou malad, parski nou rekonet pie-la dapre so fri.

Mt 13:8

Enn lot parti tom dan bon later, zot pouse ek raport boukou fri, enn raport san, enn lot swasant, enn lot trant.

Let pou Kolosien 1:6

ki finn ariv ziska zot; mem fason ki li pe donn so fri e li pe progrese dan lemond antie, mem fason li pe azir parmi zot depi zour zot finn resevwar li e vremem zot finn konn labonte Bondie.

Mt 3:8

Prodir bon fri ki montre ki zot finn sanz zot leker.

Lk 13:9

Lerla li pou raporte lane prosenn. Sinon nou ava koup li.’ ”

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li zordi ek dan leternite. Amen.

Let pou Kolosien 1:10

pou ki zot amenn enn lavi dign Lesegner, e ki zot rod fer li plezir. Par tou seki zot pou fer de bon, zot pou prodir bann fri e zot pou progrese dan vre konesans Bondie.

Eb 8:10

Ala lalians ki mo pou fer aster-la avek Izrael. Apre sa bann zour-la, Lesegner dir: Mo pou met mo bann lalwa dan zot panse, mo pou ekrir bann lalwa-la dan zot leker. Momem zot Bondie, e zot, zot pou vinn mo pep.

Eb 4:2

Bonn Nouvel finn vinn kot nou parey kouma kot bann-la ki ti dan dezer. Me mesaz ki zot finn tande pa finn profit zot, parski zot pa finn aksepte mesaz-la avek lafwa.

2 Tes 2:10

Li pou servi tou fason pou fer bann ki pe deperi perdi lespwar parski zot pe refiz aksepte lamour ki sov zot.

1 Tes 4:1

Finalman frer ek ser, zot finn aprann avek nou kouma zot bizin konport zot pou fer plezir Bondie, e zot pe deza fer li. Aster-la nou dimann zot e nou sipliy zot lor nom Segner Zezi, pou fer plis ankor.

Let pou Filipien 4:17

Mo pa zis anvi rod enn donasion ki pou mo prop benefis.

2 Ko 9:10

Bondie, ki fourni semans pou planter ek dipin pou manze, pou fourni zot avek semans, e pou miltipliye li pou ki zot zenerozite li donn boukou fri.

Zistwar Bann Zapot 17:11

Bann Zwif Bere ti ena meyer santiman ki bann Zwif Tesalonik. Zot ti pli pare pou resevwar Bonn Nouvel ki bann-la. Toulezour zot ti pe examinn laparol pou verifie sipa seki ti pe dir la ti korek.

Zistwar Bann Zapot 16:14

Parmi zot ti ena enn fam ki apel Lidia, enn abitan Tiatir. Li ti enn marsan letof gran valer, li ti ador Bondie. Lesegner ti prepar so leker pou li ekout Pol avek atansion.

Zn 8:47

Dimounn ki sorti kot Bondie, li ekout Parol Bondie; se parski zot pa sorti kot Bondie ki zot pa ekout so Parol.”

Lk 8:15

Seki tom dan bon later, sa bann ki ekout laparol, gard li dan enn leker bon ek onet, e zot raport fri ar pasians ek perseverans.

Mk 10:15

Laverite, laverite mo dir zot, dimounn ki pa akeyir Rwayom Bondie parey kouma enn ti zanfan, napa pou rant dan so Rwayom.”

Mk 4:20

Seki tom lor bon later, vedir bann ki ekout parol Bondie, ki akey li. Zot finn raport trant, swasant ziska san fwa plis.”

Mt 3:10

Aster-la mem laserp finn fini pare pou koup bann pie depi zot rasinn. Tou bann pie ki pa raport bon fri pou koupe zet dan dife.

Eb 6:7

Kan enn later absorb delo lapli ki souvan tonbe e prodir bann bon plant pou dimounn ki pe plante, Bondie pou beni li.

Lk 8:8

Inpe tom dan bon later, e kan zot grandi, zot prodir san fwa plis.” Letan li fini dir sa, li dir avek otorite, “Seki ena zorey pou tande, li ava tande!”