Mt 13:19 - Nouvo Testaman Kreol Morisien Harmonisation NTPS KM

¹⁹ Kan kikenn tann koze lor Rwayom Bondie e li pa konpran, diab vini, ras tou seki finn seme dan so leker. Li resanble sa sime kot lagrin finn tonbe la.

Nouvo Testaman dan Kreol Morisien

¹⁹ Kan kikenn tann koze lor Rwayom Bondie e li pa konpran, diab vini, ras tou saki finn seme dan so leker. Li resanble sa sime kot lagrin finn tonbe la.

Mt 13:19 Referans Kwoze

Mt 13:38

Karo-la samem lemond; e bann bon lagrin-la zotmem bann zanfan Rwayom Bondie; move lerb reprezant bann zanfan lennmi Bondie,

Eb 2:1

Akoz samem nou bizin res ferm avek seki nou finn tande, pou ki nou pa derape.

1 Zn 5:18

Nou kone ki dimounn ki pran nesans kot Bondie, pa fer pese, parski Sa-Enn ki finn pran nesans kot Bondie la protez li, e Lemal pa kapav tous li.

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

1 Zn 3:12

Fode pa ki nou fer kouma Kain, ki ti ena diab dan li e li ti touy so frer. Kifer li finn touy li? Parski bann aksion Kain ti move e seki pou so frer ti zis.

Let pou Romin 1:28

Anplis, parski zot pa finn gard vre konesans Bondie dan zot lespri, li finn les zot lespri degringole, akoz sa zot fer seki pa bizin.

2 Tes 2:12

Alor, tou dimounn ki pa krwar dan laverite e pran plezir dan seki mal, li pou kondane.

Let pou Romin 14:17

An-efe, rwayom Bondie pa enn zafer manze ou bwar, me li konsern drwatir, lape ek lazwa ki Lespri Sin done.

Let pou Romin 2:8

Me pou ena koler ek zizman pou seki pans zis limem, ki rezet laverite e swiv lemal.

Zistwar Bann Zapot 28:23

Zot ti tom dakor lor enn dat randevou avek Pol, e zot ti vinn kot li ar boukou lot dimounn ankor. Pol ti anons zot Rwayom Bondie. Li ti servi lalwa Moiz ek liv profet pou li konvink zot lor Zezi. Li ti fer sa depi gramatin ziska tanto.

Zistwar Bann Zapot 20:25

Aster-la mo kone ki personn parmi zot avek ki mo finn proklam Rwayom Bondie pa pou retrouv mo figir.

Zistwar Bann Zapot 18:15

me parski sa zafer-la konsern bann parol ek bann nom, ek zot prop lalwa, debrouy zot; mo refiz ziz sa bann zafer-la.”

Zistwar Bann Zapot 17:32

Aster kan zot finn tann rezireksion bann mor, ena ti riye; me lezot ti dir, “Nou pou ekout twa enn lot fwa lor sa size-la.”

Zn 18:38

Pilat demann Zezi, “Ki ete laverite?” Apre sa dialog-la, Pilat sorti deor ankor enn fwa; li al get bann Zwif e li dir zot, “Mo pa trouv okenn rezon pou kondann li.

Zn 8:43

Kifer, zot pa konpran seki mo pe dir zot? Se parski zot pa kapav aksepte mo parol.

Lk 10:9

geri bann malad sa lavil-la e dir so bann abitan, ‘Rwayom Bondie finn vinn pre ar zot.’

Lk 9:2

Li avoy zot al proklam Rwayom Bondie e al geri bann malad.

Mk 4:15

Lagrin ki tom dan bor sime, savedir bann dimounn ki tann parol Bondie. Kouma zot tande, Satan vini, aras parol ki finn seme dan zot.

Mt 5:37

zot ena zis pou dir wi ou non, tou seki zot dir anplis li sorti kot diab.

Proverb 17:16

Ki serti met larzan dan lame enn vantar? Pou li aste lasazes? Non, bonsans mem li pena.

Proverb 1:7

Rekonet lotorite LESEGNER, samem koumansman konesans; zis bann vantar ki ignor lasazes ek bon ledikasion.

1 Zn 5:20

E nou kone ki Garson Bondie finn vini, li finn donn nou lintelizans pou ki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

Ef 3:8

Parmi tou bann krwayan momem dernie parmi bann dernie. Malgre sa Bondie finn fer mwa enn gran faver: pou al anons bann non-Zwif larises infini ki Lekris ena,

Mt 12:26

Si Satan sas Satan, li diviz limem; kouma so rwayom pou kapav tini?

Mt 13:20

Seki finn seme dan terin ros li resanble sa dimounn letan li tann laparol, toutswit li resevwar li dan lazwa.