Mt 12:20 - Nouvo Testaman Kreol Morisien Harmonisation NTPS KM

²⁰ li pa pou kas okenn baton rozo ki ti finn deza pliye, li pa pou soufle lor enn lames ki deza pe al tengn. Me li pou persiste ziska li fer lazistis triyonfe,

Nouvo Testaman dan Kreol Morisien

²⁰ li pa pou kas okenn baton rozo ki ti finn deza pliye, li pa pou soufle lor enn lames ki deza pe al tegn. Me li pou persiste ziska li fer lazistis triyonfe,

Mt 12:20 Referans Kwoze

Lk 4:18

“Lespri Lesegner lor mwa, parski Li finn konsakre mwa par lonksion pou anons bann pov Bonn Nouvel. Li finn avoy mwa proklam delivrans bann seki an kaptivite, pou ki bann aveg trouv kler, pou ki bann oprime retrouv zot liberte,

Psom 147:3

Li geri zot leker brize, li met pansman lor zot blesir.

Revelasion 6:2

Mo gete e mo trouv enn seval blan. Dimounn ki ti pe mont li la, ti ena enn ark; zot ti donn li enn kouronn; lerla li ti ale kouma enn vinker pou gagn ankor laviktwar.

2 Ko 2:7

Aster-la, zot bizin pardonn li ek ankouraz li, pou ki li pa tom dan enn tristes ki fer li abandonn tou.

Psom 51:17

Sakrifis ki Bondie oule, li enn leker brize. Bondie akeyir enn peser leker brize ki finn repanti.

Mt 11:28

Vinn kot mwa zot tou ki fatige, ki pe sarye enn fardo bien lour, mo pou donn zot repo.

2 Ko 2:14

Nou loue Bondie parski li touletan antrenn nou dan kortez viktwar Lekris. Bondie servi nou pou fer konn Lekris partou kouma enn parfin ki fane partou.

Mt 11:7

Apre ki bann disip Zan finn ale, Zezi koz ar lafoul lor size Zan, e li dir: “Ki zot finn al gete dan dezer? Enn fatak balanse dan divan?