Mt 11:3 - Nouvo Testaman Kreol Morisien Harmonisation NTPS KM

³ pou dimann Zezi, “Eski tomem Sa-Enn ki sipoze vini la, oubien nou bizin atann enn lot?”

Nouvo Testaman dan Kreol Morisien

³ pou dimann Zezi, “Eski tomem Sa-Enn ki sipoze vini la, oubien nou bizin atann enn lot?”

Mt 11:3 Referans Kwoze

Zn 11:27

Li reponn, “Wi Segner, mo krwar ki twa, to Lekris, Garson Bondie ki pe vinn dan lemond.”

Eb 10:37

Parey kouma Lekritir finn dir: “Zis inpe letan ankor Sa-Enn ki pou vini la pou arive, e li pa pou tarde.”

Zn 7:31

Selman boukou dimounn dan lafoul ti pe krwar dan Li e zot ti pe dir, “Kan Lekris pou vini, eski li pou fer pli boukou mirak ki sa-enn-la?”

Zn 6:14

Kan bann dimounn trouv sign ki li finn fer, zot dir, “Limem Profet ki ti pou vinn dan lemond.”

Zn 16:14

Li pou rann mwa glwar parski li pou anons zot tou seki li finn resevwar ar mwa.

Zn 12:13

Lerla zot pran bann brans palmis e zot al akey li. Zot kriye, “Ozana, Bondie finn beni Sa-Enn ki pe vinn lor so nom la, limem lerwa Izrael.”

Zn 4:21

Zezi reponn li, “Fam, krwar mwa, ler pe arive kot nepli pou bizin mont lor sa montagn-la, ni al Zerizalem pou ador nou Papa.

Lk 19:38

Zot ti pe dir, “Li finn beni Lerwa ki pe vinn lor nom Lesegner! Lape dan lesiel e laglwar pou Bondie Treo!”

Mk 11:9

Bann ki ti pe mars devan e bann ki ti pe swiv par deryer, ti pe kriye, “Ozana! Sa Dimounn ki pe vini lor nom nou Segner, finn beni.

Mt 21:9

Lafoul ki ti devan Zezi ek bann ki ti pe swiv li par deryer, ti pe kriye; “Ozana garson David! Ki Bondie beni sa dimounn ki vinn lor nom Lesegner!”

Mt 21:5

“Dir popilasion Zerizalem: gete, zot lerwa pe vini li lor enn ti bourik, e li ranpli ar imilite.”

Psom 118:26

Ki Bondie beni seki rant isi dan nom LESEGNER. Depi dan so Tanp, nou partaz so benediksion ar zot.

Mt 11:4

Zezi reponn zot, “Al rakont Zan seki zot finn tande ek trouve:

Mt 11:10

Parski lor Zan mem ki finn ekrir: ‘Gete, mo pe avoy mo mesaze avan twa pou prepar to sime.’