Mt 11:29 - Nouvo Testaman Kreol Morisien Harmonisation NTPS KM

²⁹ Met mo fardo lor zot ledo, e vinn aprann ar mwa parski mo karakter li dou e mo leker ranpli ar limilite

Nouvo Testaman dan Kreol Morisien

²⁹ Met mo fardo lor zot ledo, e vinn aprann ar mwa parski mo karakter li dou e mo leker ranpli ar imilite

Mt 11:29 Referans Kwoze

1 Zn 2:6

Dimounn ki dir li ini avek li, bizin mars parey kouma li.

Zn 13:15

Mo finn donn zot sa lexanp-la pou ki zot fer parey kouma mo finn fer ar zot.

Mt 7:24

Koumsa mem, tou dimounn ki ekout seki mo fek dir e met li an pratik, li parey enn zom ki finn ranz so lakaz lor fondasion solid.

Eb 5:9

E sa finn rann li parfe e li finn vinn lasours enn delivrans eternel pou tou dimounn ki obeir li.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Let pou Filipien 2:5

Ena samem konportman-la parmi zot e pans parey kouma Zezi Kris finn panse.

Mt 21:5

“Dir popilasion Zerizalem: gete, zot lerwa pe vini li lor enn ti bourik, e li ranpli ar imilite.”

2 Ko 10:5

nou ranvers bann pwisans ki dres avek lorgey kont konesans Bondie, e nou pran tou panse prizonie pou fer zot obeir Lekris.

1 Tes 4:2

Parski zot kone ki linstriksion nou finn donn zot atraver Segner Zezi.

Zn 13:17

Si aster zot finn konn tousala, zot pou bienere si zot met sa an pratik.

Mt 17:5

Letan li ti ankor pe koze, enn niaz bien blan kouver zot e enn lavwa dan niaz-la ti pe dir, “Samem mo Garson ki mo bien kontan, li donn mwa boukou lazwa, ekout li!”

2 Tes 1:8

zot pou vini avek enn laflam dife, pou vanz kont bann ki pa konn Bondie e ki pa obeir Bonn Nouvel nou Segner Zezi Kris.

1 Ko 9:21

Ar bann ki inior lalwa, mo viv kouma zot pou ki mo kapav gagn zot. Sa pa vedir ki mo indiferan ar lalwa Bondie, parski mo pe viv lalwa Lekris.

Zistwar Bann Zapot 7:37

Moiz mem ankor ki dir bann Izraelit, ‘Bondie pou avoy zot enn profet kouma mwa ki pou enn manb zot pep.’

Lk 8:35

Lerla bann dimounn vinn gete ki finn arive vremem; letan zot koste ar Zezi zot trouv sa dimounn ki ti posede par demon-la, pe asiz kot lipie Zezi, so linz lor li e li sindespri. Lerla zot gagn per.

Psom 131:1

SEGNER, mo leker pa vantar, mo regar pa reflet larogans; Mo pa galoup deryer bel-bel zafer ki tro gran pou mwa.

Psom 116:7

Mo lespri trankil, mo retrouv mo repo, parski LESEGNER finn fer dibien pou mwa.

Proverb 3:17

Li enn gran plezir pou mars lor sime lasazes, so bann santie donn lazwa ek lape.