Mt 10:28 - Nouvo Testaman Kreol Morisien Harmonisation NTPS KM

²⁸ Pa per bann ki touy lekor imin, me ki pa kapav touy so nam; okontrer per seki kapav detrir toule-de, nam ek lekor dan lanfer.

Nouvo Testaman dan Kreol Morisien

²⁸ Pa per bann ki touy lekor imin, me ki pa kapav touy so nam; okontrer per saki kapav detrir toulede, nam ek lekor dan lanfer.

Mt 10:28 Referans Kwoze

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Let Zak 4:12

Bondie tousel ki donn lalwa e ki zize; li tousel kapav sove e detrir. Ki zot krwar zot ete, pou zot ziz enn lot dimounn?

1 Pi 3:14

Me, mem si zot soufer pou fer dibien, Bondie pou beni zot. Pa bizin per personn e pa kas latet,

Psom 119:120

Mo rekonet ki mo per twa, mo mem gagn frison; e mo gagn per to bann zizman.

Mt 25:46

E sa bann-la pou pini pou touletan, me bann zis, zot pou gagn lavi eternel.”

Eb 10:31

Li enn kitsoz terib pou tom dan lame Bondie vivan.

Mt 10:26

Pa per personn. Tou seki kasiet pou vinn dan kler, tou seki sekre pou devwale;

Eb 11:35

Par lafwa, bann fam ti retrouv zot fami ki ti lev depi lamor. Ena ti tortire e zot ti refiz zot delivrans parski zot ti anvi gagn enn lavi meyer apre zot rezireksion.

Zistwar Bann Zapot 21:13

Me Pol reponn, “Kifer zot plore? Zot fer mo leker fermal. Mo finn pare pa zis pou al dan prizon, me osi pou mor dan Zerizalem pou Lesegner Zezi.”

Mt 5:22

Me mwa mo dir zot, si kikenn ankoler avek so frer ou so ser, li merit zizman. Kikenn ki dir so frer ou so ser ‘fatra’, li merit zize par konsey bann ansien; kikenn ki dir so frer ‘fou’ li merit dife lanfer.

Zn 5:29

Ler pou sorti dan tom, tou dimounn ki finn fer dibien pou leve e pou gagn lavi; tou dimounn ki finn fer lemal pou leve e pou kondane.