Mk 9:26 - Nouvo Testaman Kreol Morisien Harmonisation NTPS KM

²⁶ Lespri-la kriye, li sakouy-sakouy zanfan-la, li sorti, li ale. Zanfan-la pa bouze, li ti parey kouma enn dimounn mor. Dimounn dir li finn fini mor.

Nouvo Testaman dan Kreol Morisien

²⁶ Lespri la kriye, li sakouy-sakouy zanfan la, li sorti, li ale. Zanfan la pa bouze, li ti parey kouma enn dimoun mor. Dimoun dir li finn fini mor.

Mk 9:26 Referans Kwoze

Mk 9:20

Zot amenn li ar Zezi; kouma lespri-la trouv li, li fer zanfan-la rant antrans, li tom anba, li fer li roule, li kime.

Mk 1:26

Move lespri-la sakouy-sakouy dimounn-la. Li irle letan li larg dimounn-la.

Revelasion 12:12

Alor lesiel bizin dan lazwa, ansam ek tou so bann abitan. Me maler pou later ek lamer, parski diab finn desann kot zot. Li bien-bien ankoler, parski li kone ki letan kourt!”

Mk 9:18

Sak fwa lespri-la trap li, li fwet li anba, zanfan-la kime, li grins so ledan, li redi. Mo finn dimann ou disip pous sa lespri-la, selman zot pa ase for.”

Mt 15:22

Enn fam Kananeenn ki sorti dan sa rezion-la koumans kriye, “Pitie mwa Segner, Garson David! Mo tifi, li extra posede par enn demon.”

Mk 9:25

Kan Zezi trouv enn latroupman, li menas move lespri-la, li dir li, “Twa, lespri ki anpes koze, ki anpes tande, mo komann twa, sort dan sa zanfan-la, pa revinn ankor ar li.”

Mk 9:27

Zezi trap so lame, fer li leve, li deboute.