Mk 9:23 - Nouvo Testaman Kreol Morisien Harmonisation NTPS KM

²³ Zezi dir li, “To pe dir si ou kapav? Be tou kiksoz posib pou dimounn ki ena lafwa.”

Nouvo Testaman dan Kreol Morisien

²³ Zezi dir li, “To pe dir si ou kapav? Be tou kiksoz posib pou dimoun ki ena lafwa.”

Mk 9:23 Referans Kwoze

Zn 11:40

Zezi dir li, “Mo pa finn dir twa ki si to krwar to pou trouv laglwar Bondie?”

Eb 11:6

San lafwa, personn pa kapav fer Bondie plezir. Parski kikenn ki apros Bondie bizin krwar ki li existe e ki Bondie rekonpans dimounn ki rod li.

Mk 11:23

Laverite mo dir zot, si kikenn dir sa montagn-la, ‘Leve, al zet twa dan lamer,’ si li pena dout dan so leker, me lafwa dan seki li pe dir, samem pou arive.

Mt 17:20

Zezi reponn zot, “Parski zot lafwa tro feb. Laverite mo dir zot, si zot ena lafwa groser enn lagrin moutard e ki zot dir montagn, ‘Bouze al laba,’ li pou bouze; nanye pa inposib pou zot.

Lk 17:6

Lesegner reponn, “Si zot ena lafwa groser enn lagrin moutard, zot nek ena pou dir sa pie-la, ‘Bouze, al plant twa dan lamer,’ li pou obeir zot.”

Zistwar Bann Zapot 14:9

Li ti ekout Pol koze. Letan Pol fixe li, li trouve ki so lafwa permet li gagn gerizon.

Mk 9:22

Plizir fwa, lespri-la finn zet li dan dife ek dan dilo pou fini li; si ou kapav fer kiksoz pou nou, sap nou, pran par dan nou maler.”

Mk 9:24

Deswit papa garson-la kriye, “Mo krwar; ed mwa, mo lafwa pa ase gran.”

Mt 14:29

Zezi reponn, “Vini.” Alor Pier desann dan pirog e li koumans mars lor dilo dan direksion Zezi.