Mk 6:41 - Nouvo Testaman Kreol Morisien Harmonisation NTPS KM

⁴¹ Zezi pran sink dipin ek de pwason-la; li lev so lizie ver lesiel, li fer enn benediksion, li kas dipin-la, li donn so bann disip pou ki bann-la fer distribision dan lafoul; li partaz de pwason-la osi ar zot tou.

Nouvo Testaman dan Kreol Morisien

⁴¹ Zezi pran sink dipin ek de pwason la; li lev so lizie ver lesiel, li fer enn benediksion, li kas dipin la, li donn so bann disip pouki bannla fer distribision dan lafoul; li partaz de pwason la osi ar zot tou.

Mk 6:41 Referans Kwoze

Mt 14:19

Li ordonn lafoul pou instal zotmem lor lerb, li pran sa sink dipin ek sa de pwason-la, li lev so lizie ver lesiel e li beni zot. Apre sa li kas bann dipin-la, li donn bann disip pou distribie avek lafoul.

Mk 7:34

Li lev so lizie ver lesiel li pous enn soupir, li dir li “Efata!” savedir, “Ouver-twa!”

Lk 24:30

Letan li atab avek zot, li pran dipin, li beni li, li kas li e li donn zot.

Lk 9:16

Zezi pran sink dipin ek de pwason-la, li lev so lizie, li get lesiel, li beni zot, li kas zot, e li donn so bann disip pou distribie ar lafoul.

1 Ko 10:31

Kan zot manze, kan zot bwar, kan zot fer ninport ki kiksoz, touletan fer li pou laglwar Bondie.

Zn 17:1

Letan Zezi finn fini dir tousala, li lev so lizie, li get lesiel e li dir, “Papa, ler finn vini; glorifie to Garson, pou ki to Garson glorifie twa.

Zn 11:41

Lerla zot tir ros-la. Zezi lev so lizie lao e li dir, “Papa, mo rann twa gras parski to finn ekout mwa.

Mk 14:22

Letan zot ti pe manze, Zezi pran dipin, li pronons enn benediksion, li kas dipin-la, li donn zot, e li dir, “Pran, samem mo lekor.”

Let pou Kolosien 3:17

Tou seki zot kapav dir ou fer, fer li dan nom Segner Zezi, e par li, rann gras Bondie Papa.

Let pou Romin 14:6

Seki trouv enn zour spesial, li fer sa pou onor Lesegner. Seki manz laviann, li manze pou onor Lesegner, parski li rann aksiondegras Bondie; e seki pa manze, li onor Lesegner, e li rann aksiondegras Bondie.

Zn 6:23

Me bann lezot pirog sorti Tiberiad e vinn dan landrwa kot lafoul finn manz dipin apre ki Lesegner finn rann gras.

Zn 6:11

Zezi pran dipin, li rann gras e partaz dipin-la ar bann ki ti pe asize; li fer parey ar pwason, kot sakenn finn gagn kantite ki li ti anvi.

Mt 26:26

Letan pe manze, Zezi pran dipin, donn benediksion, kas dipin-la e li donn so bann disip. Li dir, “Pran, manze, samem mo lekor.”

Mt 15:36

Li pran sa set dipin-la ek bann pwason-la, ler li fini remersi Bondie, li kas zot, li donn so bann disip e bann-la partaz avek lafoul.

Zistwar Bann Zapot 27:35

Ler li fini dir sa, li pran dipin, li rann gras Bondie devan tou dimounn. Lerla li kas dipin, li koumans manze.

Mk 6:40

Zot asiz anba par group san ek sinkant.

Mk 6:42

Tou dimounn finn rasazie ar manze.

Mk 8:19

Kan mo ti kas sink dipin pou sink-mil dimounn, komie panie ranpli ar bout dipin zot ti ramase?” Zot dir li, “Douz.”